فرووش بانک ناوەندی عراق لە ٣٠٠ ملیۆن دۆلار رەد کەێد

شەفەق نیوز/ فرووشەیل دۆلار بانک ناوەندی عراق، ئمڕوو دووشەممە، رەسیە زیاتر لە 300 ملیۆن دۆلار.

پەیامنێر ئاژانس شەفەق نیوز وت: بڕ فرووشەیل بانک ناوەندی رەسیە 301 ملیۆن و529 هەزار و539 دۆلار، وەنرخ بنەڕەتی 1310 دینار ئەرا هەر دۆلاریگ ئەرا کرێدیت دۆکیومێنتکاری و یەکلاییکردن ناودەوڵەتی ئەرا کارت ئەلیکترۆنی، و وەخود نرخەگە ئەرا هەواڵەی دەرەکی، و وەنرخ 1305 دینار ئەرا هەر دۆلاریگ وە کاش.

وتیش: بەشە گەورەی فرووشەیل ئەرا قایمکردن باڵانسەیل دەیشت وڵات وەشیوەی هەواڵە و قەرزکردن چگە، کە رەسیە 278 ملیۆن و79 هەزار و539 دۆلار، وەرانەور فرووشتن کاش کە رەسیە 23 ملیۆن و450 هەزار دۆلار.

وتیش: تەنیا یەی بانک دۆلار کاش سەنیە، و شمارەی ئەو بانکەیلە کە وەڵام داواکارییەیل بەرزکردن باڵانسەیل دانەسەو لە دەیشت وڵات رەسیەسە شەش بانک، و بەشداریکردن  29 کۆمپانیا.