فراكسيۆنيگ يه‌كلاكردنه‌وه‌ى دو وه‌زاره‌ت گرنگ وه‌ى نزيكه‌يله دويره‌وخست
شه‌فه‌ق نيوز/ هاوپه‌يمانى فه‌تح له ئه‌نجومه‌ن نوێنه‌ره‌يل وه سه‌رۆكايه‌تى هادى عامرى، مه‌سه‌له‌ى يه‌كلاكردنه‌وه‌ى ده‌نگداين له‌بان دو پۆست وه‌زارى نه‌فت و خارجيه له ماوه‌ى مانگ ره‌مه‌زان دويره‌وخست.
له‌ى باوه‌ته‌و، فازڵ فه‌تلاوى ئه‌ندام فراكسيۆنه‌گه ئه‌را شه‌فه‌ق نيوز وت: دانيشتن و گفتگووه‌يل سياسى له‌ناونى حزب و لايه‌نه‌يل و مسته‌فا كازمى سه‌رۆك وه‌زيره‌يل وه‌ردامه تا وه‌ختيگ كانديده‌يل باقى وه‌زاره‌ته‌يل له حكومه‌ت عراقى يه‌كلا ئه‌كريه‌نه‌و ك شماره‌يان هه‌فت وه‌زاره‌ته.
فه‌تلاوى باس له‌وه‌يش كرد دانيشتن و گفتگووه‌يل سياسى له‌ناونى حزب و لايه‌نه‌يل و مسته‌فا كازمى سه‌رۆك وه‌زيره‌يل تا وه‌رجه كووتايى مانگ ره‌مه‌زان وه‌رده‌وامه، وه‌لێ يه‌كلاكردنه‌وه‌ى كانديده‌يل هه‌ردوگ وه‌زاره‌ت نه‌فت و خارجيه ئه‌را دوياى جه‌ژن دويا ئه‌خريه‌ێد.
له‌لايگ تريشه‌و، ئازاد حه‌ميد شه‌فى قه‌ره‌لوسى ئه‌ندام له‌بان فراكسيۆن نه‌هج نيشتمانى، ئاشكراى وجوود ريككه‌فتنيگ سياسى كرد له‌باره‌ى پشتگيرى له حكومه‌ت مسته‌فا كازمى و باس له‌وه كرد 50% له به‌شبه‌شايه‌تى حزبى لاورياگه.
قه‌ره‌لوسى وت: سه‌رۆك وه‌زيره‌يل وه ريككه‌فتن وه‌ل فراكسيۆنه‌يل سياسى كابينه وه‌زاريه‌گه وه پێوه‌ره‌يليگ هه‌ڵوژانگه جيا له حكومه‌ته‌يل وه‌رين له‌ساڵ 2003ه‌و تائيسه و كه‌سايه‌تيه‌يل ته‌كنۆكرات و پيشه‌يى هه‌ڵوژانگه وه‌ل كه‌سايه‌تيه‌يليگ تايبه‌تمه‌ند.
