فراکسیۆنیگ کورد وەرپرسایەتی دیرکەفتن دەنگدان لەبان بوودەجەگە خەێدە بان هێزە شیعەگان
2021-02-20T10:15:41+00:00
شەفەق نیوز/ فراکسیۆن یەکێتی ئیسلامی کوردستانی لە ئەنجومەن نۆێنەران عراق، ئمڕوو شەممە، وەرپرسایەتی دیرکەفتن دەنگدان لەبان پڕۆژەی یاسای بوودجەی ٢٠٢١ خستە بان هێزە سیاسیە شیعەگان.
جەمال کۆچەر وەرپرس فراکسیۆنەگە ئەرا ئاژانس شەفەق نیوز وت: تا ئیسە هێزە سیاسیە شیعەگان چارەسەرییگ لەباوەت بەش هەرێم کوردستان لە بوودجەی ٢٠٢١ لە دەیشت ئەو دەق حکومەتیە ک رەوانەی کریاگە نەهاوردنە، ک تا ئی مەوقە نێزانیمن ئی هێزەیلە چە خوازن؟، ک هەر لەلایەنیگ چارەسەرییگ جیا لەواکان خوازێد.
و دیاری کرد ک لە یەکەم رووژ رەسین یاسای بوودجەی ساڵ ٢٠٢١ ، ناکۆکییگ لەناو ماڵە شیعەگە بوی، و هێزە سیاسیەگان لەناو ئی ماڵە گیچەڵ خستنە ناو کارەکە و دەنگدان لەبان یاساکە دیرەو خستن، و لە خود وەختەگە هیچ دەق جیگریگ لە باوەت بەش هەرێم پێشکەش نەکردن.
