فرەیان کوڕ و گەنجن.. ٣٨ خوەیکوشتن لە دیالە لەماوەی ساڵ ٢٠٣٣
سەڵاح مەهدی وەڕیەوبەر کۆمسیۆن ماف مرۆڤ ئەرا ئاژانس شەفەق نیوز وت: پارێزگاگە لە ماوەی ساڵ ٢٠٢٣ ٣٨ خوەیکوشتن توومار کردیە، فرەیان لەناو رزەیل کوڕ و گەنجەیل بویە، لە وەختیگ پارێزگاگە لە ساڵ ٢٠٢٢ ، ١٧ خوەیکوشتن و پویچەڵکردن ١٠ تەقەلای خوەیکوشتن توومار کردیە.
وتیش؛ هوکارەیل بەرزەبوین ریژەی خوەیکوشتن لە دیالە چوودەو ئەرا گرفتەیل کۆمەڵایەتی و دەروینی و کاریگەری زیای وە سۆشیال میدیا کە گاڵ لەبان کار نەفرەتیەیل دەن، وەگەرد لاوازی رۆڵ دامودەزگایل حکومەتی و کۆمەڵایەتی و ئاینی لە دژایەتیکردن هویر خوەیکوشتن.
سەڵاح وتیش؛ ریژەی خوەیکوشتن لە دیالە لە ساڵ گوزەشتە نیشانەی کۆمەڵایەتی رخبەرە کە وەگەرد سروشت رەوشت و ئاینی خەڵک دیالە نیەگونجێد، کە رازی و کارەیل تونوتیژی و بی رەوشتی نییە.
دیلان لە ساڵەیل دویایین، بەرزەبوین لە خوەیکوشتن لەناو کور و گەنجیل وەخوەی دی، لەوەر کارەیلیگ ژیانگوزرانی یا گیچەڵ کۆمەڵایەتی.
