فرەیان سوریین.. دەسگیرکردن 25 ژن لەوەر گەیاکەری و لەشفرووشی لە بەغداد
سەرچەوەگە وە ئاژانس شەفەق نیوز وت، "فەرماندەیی پۆلیس بەغداد رەسافە لە دیروەخت دویەشەو دەسکردیە وە هەڵمەتیگ وشکنین و دەرەداین ناوچەیل (بەغدادجەدیدەو غەدیر) ئەرا وشکنین قاوەخانەیل و کافتریاگان و هۆتێلە گومانلێکریاگەیل و داواکریاگ و سەرپیچیکەرەیل دەسگیرکریان لەئەنجام ئەرکەگە 117 کەس لە داواکریاگ و سەرپیچیکەر یاسا دەسگیرکریان".
سەرچەوەگە ئاشکەرایکرد، دەرچگە شمارەی کوڕەگان 74 سەرپیچیکەر یاسای نیشتەجیبوین هەس لە خاوەن ناسنامهی بیانی جوراوجویر، و 42 ژن عراقی وەپای بڕگە یاسایەیل جیاواز، و 22 ژن سووری کە کارەیل گەیایی و لەشفروشیکردنە، و 3 ژن عراقی لەوەر کار لەشفروشی، وەگەرد 27 مناڵ سووری کە کارەیل گەیاییکردنە، دیاریکرد دەسگیریایە وەبان 4 پارچە چەک "کلاشینکۆف" لەماوەی ئەرکەگەیان کە شەوەکی شەفەق ئمڕوو کۆتایی وەپیهات.
دیاریکرد، وەزارەت ناوخوەی عراقی لەدی دویایی دەسکردیە وە هەڵمەەیل ئەمنی ناوچەیلیگ لە بەغدای پایتەخت کەێدە ئامانج کە لەناوی چەتەیل بازرگانیکەر وە مادەی هووشبەر و ئایەم و تاوانەیل رێکخریاگ و لەشفروشی ئەنجامدرێد، لە دیارترینیان ناوچەی "بەتاوین"ە لە ئەنجام ئێ ئۆپراسیۆنەیلە دەیان توومەتبار و داواکریاگ دەسگیرکریان.
