فرەیگیان سەرباز عراقیین… مردن 7 کەس وە رویداو هاتوچو لە سەڵاحەدین
2023-09-15T10:37:16+00:00
شەفەق نیوز/ سەرچەوەیگ ئەمنی، ئمڕوو جومعە، خەوەردا لە مردن و زەخمداری شمارەیگ لە ئەندامەیل هێز سوپا عراقی وە رویداو هاتوچو لە باشوور پارێزگای سەڵاحەدین.
سەرچەوەگە وە ئاژانس شەفەق نیوز وت، چوار سەرباز گین لەدەسدانە پەنج کەسیش زەخمداربوینە وە رویداو هاتوچو لە ئەنجام پلیان ماشینەگەیان لەبان ری قەزای سامەرا.
وەپای سەرچەوەگە، ئەو کەسەیلە گشتیان سەربازن و ئەندامن لە سوپای فەوج یەکەم لیوای پیادەی 91 لە سوپای عراقی، رویداوەگە مەوقەی داوەزین ئەرا مالەیلیان مەوقەی مۆلەت مانگانە رویدایە.
هەمیش سێ مەدەنی گیان لەدەسدان لە رویداو هاتوچو لە باکوور سەڵاحەدین.
سەرچەوەیگ لە پۆلیس سەڵاحەدین وە ئاژانس شەفەق نیوز خەوەردا، سێ مەدەنی وەپلیان ماشینیان وەبان پیەڵ شرقات باشوور سەڵاحەدین گیان لەدەسدانە.
وتیش، تەرم قوربانیەیل ئەرا پزیشک دادوەری کلکریاس و دەسڵاتدارەیل هاتوچو لێکۆڵینەوە لە رویداوەگە وازکردنە.
