کەفتن خانمە خوەنەواریگ لە قات دوویەم و نواگردن خوەیکوشتن دوێەتیگ لە سلێمانی و بەغداد
2021-02-17T10:44:24+00:00
شەفەق نیوز/ سەرچەوەیلیگ ئەمنی، ئمڕوو چوارشەممە، خەوەردا لە کەفتن دوێەتیگ خوەنەوار ڵە قات دوویەم لەناو یەکیگ لە مەکتەوەگان شار سلێمانی، لەوەختیگ ک پۆلیس فریاکەفتن نوای دوێەتیگ لە خوەیکوشتن گرد.
سەرکەوت ئەحمەد قسەکر وەناو پۆلیس سلێمانی ئەرا ئاژانس شەفەق نیوز وت: دوێەتیگ خوەنەوار لە ناوچەی سەرکارێز لە سلێمانی، لە قۆناغ ئامادەیی، لە تەمەن ١٦ ساڵان لە مەوقەی دەوامەگەی لەقات دوویەم کەفتە خوار.
وتیش: ئیسە لە خەسەخانەی شۆڕش خەفتگە ولەهووش جگه، و هووکارەیل کەفتنەگەی نەزانریانە و دیرن لێکۆڵینەوە لە کارەگە کەن.
لە چینیگ هاوشیوە، سەرچەوەیگ ئەمنی خەوەردا ئاژانس شەفەق نیوز ک دەوریەیل پۆلیس فریاکەفتن توێنستن دوێەتیگ رزگار بکەن هەنای تەقەلا دا خوەی لەبان پوڵ بەلەدیات ئەرا خوەیکوشتن بخەێدە خوار.
