فەوتان زیاتر لە ٤٤٠ دۆنەم لە خانەقین لەوەر کەم وارانی
![فەوتان زیاتر لە ٤٤٠ دۆنەم لە خانەقین لەوەر کەم وارانی](https://media.shafaq.com/media/arcella/1618046048243.jpeg)
شەفەق نیوز/ وەڕێۆبەرایەتی کشتوکاڵی خانەقین سەروە هەرێم کوردستان، ئمڕوو شەممە، دووپات کرد لە فەوتان زیاتر لە ٤٤٠ هەزار دۆنەم لە کشتوکاڵی دەیمی لە دەورگرد قەزاگە لەوەر کەم وارانی، و لە خود وەختەگە ئاماژە کرد لە مقەیەتیکردن رێژەیل بەرهەم گەنم ئەرا ئی وەرزە.
کامیران عەبدولڵا وەڕێۆبەر کشتوکاڵیەگە ئەرا ئاژانس شەفەق نیوز وت: زیاتر لە ٢٠٠ هەزار دۆنەم لە دەورگرد خانەقین و نزیکەی ٢٤٠ دۆنەم لە ناحیەیل مەیدان و قوورەتو سەروە کوردستان و لە وەرپرسایەتی کشتوکاڵی خانەقین کەفتنە وەر فەوتانن لەوەر کەم وارانی ئی وەرز زمسانە.
و دیاری کرد ک ٦٠ هەزار دۆنەم لە پلان زمسانی لە خانەقین پشت وە ئاویاری لە جوو و چەمەیل هەس، و ١٦٠ هەزار دۆنەم هالە بان دەیمی.
عەبدولڵا وتیش؛ ٣٠ هەزار دۆنەم لە ناحیەی قوورەتو پشت وە ئاویاری بەسێد، و ١٢٧ هەزار دۆنەم هالە بان واران، هەمیش ٢٠٠ دۆنەم لە ناحیەی مەیدان هالە بان ئاویاری، و ١٢٠ هەزار دۆنەم دەیمیە.
لە خود باوەتەگە وەڕێۆبەر کشتوکاڵی خانەقین دووپات لە مقەیەتیکردن رێژەیل بەرهەمکردن گەنم وە بەراوردی پارەکە کرد ک لە ٦٠ هەزار تەن زیاتر بوی.