فەرماندەی سەربازی پایەبەرزیگ ئەرا ناوبەین دیالە و هەرێم

شەفەق نیوز/ سەرچەوەیگ ئەمنی لە دیالە، ئمڕوو یەکشەممە، خەوەردا لە رەسین فەرماندەی هێزە دەیشتیەکان لیوا روکن قاسم محمدی ئەرا سەرپەرشتیاری لەبان ئۆپراسیۆنەیل پاکەوکردن

ناونی دەورگرد ناوچەیل خانەقین و جەلەولا و قەرەتەپە و سنوور هەرێم کوردستان.

سەرچەوەگە ئەرا ئاژانس شەفەق نیوز وت: محمدی سەرپەرشتیاری شیوەی ئەو ئۆپراسیۆنە ئەمنیە کەێد ک شەفەق ئمڕوو وە بەشداری ٧ لیوای حەشد شەعبی وەگەرد لیوا پاڵپشتیەکان و کەرتەیل دژە تەقینەوە دەس وەپیکرد.

سەرچەوەگە دیاری کرد ک زاقترین تەوەرەیل ئۆپراسیۆنەکان هالە سنوور باکوور جەلەولا وەگەرد قەزای کەلار و سنوور باکوور خوەرهەڵات خانەقین وەگەرد سنوور کوردستان و دەورگرد ناحیەی قەرەتەپە لە کنار قەزای کەلار، ئەرا لەناوبردن حەشارگەیل ریخریاگ داعش لەو ناوچەیلە.