فەرمان پەنج ساڵ زیندانکردن لەبان عاگوب پارێزگار وەرین نەینەوا
2021-02-16T10:00:52+00:00
شەفەق نیوز/ دادگای تاوانەگان ک تایبەتە وە دژە گەندەڵی، ئمڕوو سێسەممە، فەرمانیگ وە پەنج ساڵ زیندانکردن لەبان نەوفەل عاگوب پارێزگار وەرین نەینەوا دەرکرد، لەوەر تاوانکردنی وە باوەتەیل گەندەڵی.
سەرچەوەیگ چەودێر خەوەردار ئاژانس شەفەق نیوز کرد ک عاگوب لەبان دوو باوەت گەندەڵی داد کریا، ک لەبان یەکەمەگە وەگورەی مادەی ٣٤٠ یاسای عراقی وە سێ ساڵ زیندانکردن سزا دریا، و باوەتە دوویەمەگە وەگورەی مادەی ٣١٩ یاسای عراقی ئەرا ماوەی دوو ساڵ زیندانکردن سزای دریا.
وتیش؛ هیمان لێکۆڵینەوە لە ١٥ باوەت تر دژوە عاگوب وەردەوامە.
