فەرمان دەسگیرکردن تیکتۆکتەر عراق "حوسحوس"
![فەرمان دەسگیرکردن تیکتۆکتەر عراق "حوسحوس"](https://media.shafaq.com/media/arcella/1722692719817.jpg)
2024-08-03T13:45:42+00:00
شەفەق نیوز/ سەرچەوەیگ لە وەزارەت ناوخوەی عراق، ئمڕوو شەممە، فەرمان دەسگیرکردن ئەرا تیکتۆکەر عراقی ناسریاگ "عیناد خالید" دەرکرد کە ناسریاگە وە "حوسحوس" وە توومەت ناورۆک ئاست نزم.
سەرچەوەگە وە ئاژانس شەفەق نیوز خەوەردا، " لەدویای وەرگردن رێکارەیل یاسای وەلایەن لیژنەی ناوڕۆک ئاست نزم لە وەزارەت ناوخوەی فەرمان دەسگیرکردن ئەرا"حوسحوس" دەرکریا.
لە مانگ شوبات 2023ەو وەزارەت ناوخوەی و ئەنجومەن دادگای باڵای دەسکردیە وە هەڵمەتیگ دەسگیرکردن ئەرا ئەو کەسەلە توومەتبارن وە بڵاوکردن "ناوڕۆک ئاست نزم" لەبان تووڕەیل کۆمەڵایەتی، وەی مدووە شمارەیگ فەرمان دەسگیرکردن زیندانیکردن ئەرا شمارە کەسیگ دەرکریاس.