فڕۆکەیگ بیفڕۆکەوان تەقینەوەکریاگ کەفێدە بان کامپ عێن ئەسەد
2021-05-08T07:47:27+00:00
شەفەق نیوز/ شانەی راگەیانن ئەمنی، ئمڕوو شەممە، راگەیان کەفتن فڕۆکەیگ بیفڕۆکەوان تەقینەوەکریاگ لە کامپ ئاسمانی عێن ئەسەد لە خوەرئاوای پارێزگای ئەنبار، و هاوپەیمان ناودەوڵەتی دووپات لە پەلاماریگ لەبان کامپەگە وە فڕۆکەیگ بیفڕۆکەوان کرد.
شانەگە لە بەیاننامەیگ رەسیە ئاژانس شەفەق نیوز وت: فڕۆکەیگ بیفڕۆکەوان لە ساعەتە٢:٣٠ کەفتە بان کامپ ئاسمانی عێن ئەسەد لە پارێزگای ئەنبار وەبی هیچ زەرەدەیلیگ.
لەلای خوەییش وین ماترۆ قسەکەر وەناو هاوپەیمان ناودەوڵەتی وت: پەلامار کامپەگە شەوەکی ئمڕوو بوی، و هیچ زەخمداربوینیگ لەلی نەویەو، وتیش: دەسکریا لێکۆڵینەوە لەو پەلامارە لە بان کامپە سەربازیەگە.
