عه‌له‌وى به‌راورد له‌‌ناونى هه‌ردوگ عه‌لاوى: ئه‌ياد زرنگتره‌و شايسته‌ى حوكمكردن عراقه
شه‌فه‌ق نيوز/ حه‌سه‌ن عه‌له‌وى سياسه‌تمدار سه‌رده‌م عراقى, باوه‌ڕێ ئه‌وه‌سه ئه‌ياد عه‌لاوى سه‌ركرده‌ى ئئتلاف نيشتمانى زرنگتره ئه‌را حوكمكردن عراق زياتر له محه‌مه‌د ته‌وفيق عه‌لاوى راسپارياێ ئه‌را دامه‌زرانن حكومه‌ت وه‌ختى.
عه‌له‌وى له به‌ياننامه‌يگ له‌باره‌ى راسپاردن محه‌مه‌د ته‌وفيق عه‌لاوى ئه‌را دامه‌زرانن حكومه‌ت وه‌ختى وت: من خاس له نزيكه‌و ناسمه‌د جوور ئه‌وه‌گ ئه‌ياد عه‌لاوى ناسم، وه‌لێ جيوازى گه‌ورا ئه‌وه‌سه ئه‌ياد عه‌لاوى كه‌سايه‌تييگ وازه‌و تنيش كه‌سيگيد داخرياێ و ئه‌ياد عرووبييه‌و تنيش نيمچه ئسلامى و عه‌لاوى ليبراڵى و تنيش دگان وه ليبراڵى نيه‌نه‌ێد و وه‌كفر زانيده‌ى و دڵ يه‌كيگه‌و نزيكايه‌تى نزيكدانه‌و ناكا له نزيكى فكرى و سياسى يا ئه‌خلاقى، ئمجا تن هايده خوه‌ندنگايگ و ئه‌ويش ها خوه‌ندنگايگ تر، تن فريه جياوازيد له ئه‌ياد عه‌لاوى و ئه‌و زرنگتره.
عه‌له‌وى هه‌ميش ئه‌را ته‌وفيق عه‌لاوى وت: بيگومان تن له خيزان ناوداريگيد له سه‌ره‌تاى دامه‌زرانن حكومه‌ت عراقييه‌و، ئمجا عه‌بدولئه‌مير عه‌لاوى مامۆستاى ئى خيزانه بويه ك له‌ئيوه‌س.
عه‌له‌وى وت: بايه‌سه له‌بان ته‌وفيق عه‌لاوى پشت وه راوێژكارى بگرێد له‌وانه‌گ ئه‌زموندارن فيشتر له خوه‌ى جوور من و كه‌سه‌يل تر و هويچ گاميگ وه‌بى راوێژ نه‌نه‌ێد، و سه‌دام وه دكتاتۆر زانستن، وه‌لێ وه‌ل ئه‌وه‌يشا له كه‌متر له 12 نويسينگه‌ى راوێژكارى نه‌ياشت.
جى باسه، وه‌ل ئه‌وه‌يشا پيروزبايى له محه‌مه‌د عه‌لاوى كرد ئه‌را دامه‌زرانن حكومه‌ت تازه‌و ئوميد ئه‌وه‌يش كرد وه‌زيره‌يل ده‌سپاك و عرووبى و نيشتمانپه‌روه‌ر هه‌ڵوژنێد.
