عه‌بدولمه‌هدى شيواز په‌يوه‌نديه‌يل ئاينده‌يى ناونى واشنتۆن و به‌غدا ديارى كرد

شه‌فه‌ق نيوز/ عادل عه‌بدولمه‌هدى سه‌رۆك وه‌زيره‌يل كاروه‌ڕێكخه‌ر عراق، وت: په‌يوه‌نديه‌يل ئاينده‌يى له‌ناونى عراق و وڵاته‌يل يه‌كگرتگ بايه‌سه‌ له‌بان هاوبه‌شى و دووسايه‌تى بدێ نه‌ك دوشمنايه‌تى.

عه‌بدولمه‌هدى له‌ وه‌خت سه‌ركايه‌تيكردن دانيشتن ئه‌نجومه‌ن ئاسايش نيشمانى عراقى، باس له‌ دوسيه‌ى په‌يوه‌نديه‌يل عراقى و ئه‌مريكى و ئاينده‌ى هاوكارى ئابوورى و ئه‌منى كرد بيجگه‌ تاوتويكردن وجوود سه‌ربازى دوياى بارودوخ سه‌خت.

جى باسه‌، عه‌بدولمه‌هدى هه‌ميش وت: ته‌وه‌ر په‌يوه‌نديه‌يل ناونى هه‌ردوگ وڵات بايه‌سه‌ وه‌شيوه‌يگ دووسانه‌ بدێ نه‌ك دوشمنانه‌و بايه‌سه‌ له‌ به‌رژه‌وه‌ندى عراق و وڵاته‌يل يه‌كگرتگ بدێ جوور هاوبه‌ش و دووس له‌وه‌ر خاتر مقه‌يه‌تيكردن له‌ به‌رژه‌وه‌نديه‌يل ناوچه‌گه‌ و جه‌هان.