عراق په‌ناربه‌ره‌يل له‌ سوريا وه‌رگرت

عراق په‌ناربه‌ره‌يل له‌ سوريا وه‌رگرت
2019-06-08T10:43:10+00:00

شه‌فه‌ق نيوز/ وه‌زاره‌ت كووچ و كووچبه‌ره‌يل پيشوازى له‌ خيزانيگ عراقى كرد ك له‌ كه‌مپ ئه‌لروكبان له‌ناو خاك سورياو له‌ڕێ ته‌ياره‌خانه‌ى ناوده‌وڵه‌تى به‌غداوه‌ گله‌وخوارد ئه‌را عراق.

 

له‌و باوه‌ته‌و، ئه‌حمه‌د ره‌حيم حه‌سه‌ن وه‌ڕيه‌وبه‌ر به‌ش كووچ ده‌ره‌كى له‌ به‌ياننامه‌يگ ئه‌را شه‌فه‌ق نيوز وت: ليژنه‌ى پيشوازيكه‌ر له‌ گله‌وخوه‌ره‌يل له‌ وه‌زاره‌ته‌گه‌ پيشوازى له‌ خيزانيگ عراقى كردگه‌ ك 12 كه‌س بوينه‌ له‌ ته‌ياره‌خانه‌ى ناوده‌وڵه‌تى به‌غدا دوياى هه‌ماهه‌نگى وه‌ل وه‌زاره‌ت خارجيه‌و باڵيۆزخانه‌ى عراقى له‌ سوريا.

 

جى باسه‌، ره‌حيم هه‌ميش وت: وه‌زير رينمايى ئه‌وه‌ داگه‌ گرنگى بدريه‌ێده‌ پيشوازيكردن و ئاسانكارى له‌وه‌رگرتن رێ وشوونه‌يل ره‌سين خيزانه‌يل له‌ ته‌ياره‌خانه‌ى ناوده‌وڵه‌تى به‌غدا و جيوازكردنيان ئه‌را شوون نيشته‌جێ خوه‌يان له‌ شار حسێبه‌ له‌ پاريزگاى ئه‌نبار.

Shafaq Live
Shafaq Live