عراق وەچەوەڕی خوەڵوتووز و گەرمی و هەرێم کوردستان لە کەشوهەوای وەهاری
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو یەکشەممە رووشنە وەگەرد لەکە ئەوریگ لە ناوچەی ناوڕاس، و لە ناوچەی باکوور و باشوور نیمچە ئەورە، و پلەی گەرمی لە گشت وڵاتەگە کەمیگ داوەزێد.
وتیش؛ رووژ دووشەممە، لە ناوچەی ناوڕاس و باکوور رووشنە وەگەرد لەکە ئەوریگ، و لە ناوچەی باشوور نیمچە ئەورە، و پلەی گەرمی لە گشت وڵاتەگە نزیک رووژ وەرجە خوەیە.
لە هەرێم کوردستان، دەسەی کەشناسی لە بەیاننامەیگ رەسیە ئاژانس شەفەق نیوز مەزەنە کرد پارێزگایل هەرێم کوردستان داوەزینیگ لە ٢ تا ٣ پلە لە گەرمی توومار بکەن، وەگەرد نمە وارانیگ لە فرەی ناوچە کوێەیلە و هەڵسان خوەڵوتووز.
دەسەگە وتیش: مەزەنە کریاگە پلەی گەرمی وەماوەی ٤٨ ساعەت ئایندە وەیجویرە بوود: هەولێر ٣١، سلێمانی ٣٠، دهۆک ٢٨، هەڵەبجە ٣١، گەرمیان ٣٦، زاخۆ ٣١.
هەرلیوا، عەلی جابر زیادی شارەزای کەشناسی ئەرا ئاژانس شەفەق نیوز وت: خوەڵوتووز سووکیگ لە کەشوهەوا بوود، و دویای نیمەڕو ئمڕوو کەمەو بوود، و ئەرا شەفەق سوو یەکشەممە وە شیوەی کەمیگ گلەو خوەێد.
زیادی وتیش: پارچە وایگ سوو وە رووژ تیەێدە ناو وڵاتەگە، و پلەی گەرمی تا ٥ پلە داگرێد، و کەشوهەوا وە رووژانە هوونکە، و وەشەوانە خوەشە، و لەی سێ رووژ ئایندە واران نییە.
