عراق پویچەڵ دانوەپینان 27 زانکۆی ئیران کەێد
شەفەق نیوز/ ماڵپەر "ئیران ئەنتەرناشیوناڵ" ئیرانی، ئمڕوو یەکشەممە، راگەیان عراق 27 زانکۆی ئیران لە لیست ئەو زانکۆیەیل ک بەغدا دان وە بڕوانامەیلیان نایە سڕیەسەو.
ماڵپەرەگە ئیرانیەگە لە زوانی جیگر وەزارەت زانست و لێکۆڵینەوە و تەکنەلۆجیا هاشم داداشپور ک ئاژانس شەفەق نیوز ئەڵگەردانی کردیە راگەیان،، "عراق مەرجەیل تونیگ ئەرا خوەنستن ئمساڵ دانایە لە سیستەم هەڵسەنگاندن خوەی ئەرا زانکۆیەیل".
وەگورەی ماڵپەرەگە ئی لیستەی زانکۆیەیلە پەیوەندی وە خوەنەواریل عراقی دیرێد ک خوازن درێژە وە خوەنستن بیەن لە دەیشت وڵات وەگورەی ئەو دەسمیەتیەیلە حکومەت پیشکەشیان کەێد.
ئەو وەرپرسە ئاشکەرای کرد وەزارەت خوەنستن باڵای عراق لە پۆلینکردن پشت وە " ریزبەندی زانکۆی تایمز خوەنستن باڵای جەهانی"، و " پۆلین زانکۆی کیو ئێس جەهانی" و " پۆلین ئەکادیمیای زانکۆ جەهانیەیل شەنگهای" بەسایە، و شمارەی زانکۆ باوەڕ وەپیکریاگەیل ئیران کەمەوکردیە وە هەڵوەشانن بڕیگ لە دامودەزگایەیل پەروەردەییەیل ئیران.
وتیش؛ بڕیارەگەی عراق وە تەنیا زانکۆیەیل ئیران نیەگرێدەو، لە هەمان وەخت شمارەی فرەیگ لە زانکۆیەیل بیلاروسیا و ئۆردن و لوبنان لە لیست عراق لاوردیایە، دیاریکرد ئی لیست عراقیە تا ئیسە 14 زانکۆی ئیران گردیەسە خوەی.
دیاریکرد، ئیرنگە 56 هەزار خوەنەوار عراقی لە زانکۆیەیل ئیران وەدویاچگن ئەرا خوەنستن کەن.
