عراق هالە نوای وڵاتەیل عەرەبی لە گەشتکردن ئەرا تورکیا

وەزارەتەگە لە خشتەیگ ک ئاژانس شەفەق نیوز نوڕستیەس وەپی راگەیان، " شمارەی سەردانکەرەیل عراقی لەماوەی کانون دویەم تا حوزەیران نزیکەی 469 هەزار و947 گەشتیار بوی، وەچەو نیمەی یکم ساڵ  2022 داوزیایە  ک رەسیە 479 هەزار و 300 گەشتیار، و بەرزترەو بویە لە ساڵ 2021 ک شمارەی گەشتیارە عراقیەیل رەسیە  250 هەزار و997 گەشتیار".

وتیش؛ " رێژەی گەشتیارە عراقیەیل  2.40% گرێدەو لەو گەشتیارەیلە لە جەهانەو هاتنە ئەرا سەردانکردن تورکیا لەماوەی نیمەی یەکم ئمساڵ".

وەزارەتەگە دیاریکرد " عراق لە پێشەنگ وڵاتەیل عەرەبیە وە شمارەی گەشتیارەیلی ئەرا تورکیا لەماوەی نیمەی یەکم ئمساڵ، سعودیە دویەمە وە شمارەی 286 هەزار گەشتیار، کوەیت سێیەمە وە شمارەی 163 هەزار و496 گەشتیار، و دویایش ئۆردن چوارەم تێد وە شمارەی 154 هەزار و 121 گەشتیار، و مەغرب پەنجەم وە شمارەی 111 الفا و856 گەشتیار، وجەزائر شەشەمە وە شمارەی 109 هەزار و 395 گەشتیار، ولوبنان هەفتەمە وە شمارەی  94 هەزار و757 گەشتیار".