عراق یەکەمین دەوڵەتە چوودە ناو رێککەفتن نەتەوە یەکگرتگەیل ئەرا ئاو
2023-03-27T13:34:45+00:00
شەفەق نیوز/ باڵیۆزخانەی ئەڵمانیا لە عراق، ئمڕوو دووشەممە، راگەیان؛ عراق یەکەمین دەوڵەتە لە خوەرھەڵات ناوڕاس چوودە ناو رێککەفتن نەتەوە یەکگرتگەیل ئەرا ئاو، و داوا لە دەوڵەتەیل هاوسای عراق کرد بچنە ناو رێککەفتنەگە، ئەرا وەرکارهاوردن وەردەوامیگ لە ئاو، و نواگردن جەنگ و ململانە لەبان سامانەیل سرووشتی.
دویەکە یەکشەممە، وەزارەت سامانەیل ئاوی عراق، چگن وڵاتەگە وەناو رێککەفتن "هلسنكی" ئەرا مقەیتیکردن و وەکارهاوردن چەمەیل ئاو ئەودیم سنوورەیل راگەیان.
باڵیۆزخانەی ئەڵمانیا لە بەیاننامەیگ رەسیە ئاژانس شەفەق نیوز وت: عراق بویە یەکەمین دەوڵەت لە خوەرهەڵات ناوڕاس بچوودە ناو رێککەفتن نەتەوە یەکگرتگەیل ئەرا ئاو، ک مسۆگەرکردن وەکارهاوردن وەردەوام سامانەیل ئاوی ئەودیم سنوورەیل کەێدە ئامانج.
بەیاننامەگە وتیش: گرنگە هاوسایل عراقیش بچنە ناو ئی رێککەفتنە، ک ١٩ دەوڵەت عەربی زیان لە کەمئاوی دیرن.
بەیاننامەگە وتیش: وەگەرد زیایبوین دەگمەنی ئاو، و ئەگەر هەڵسیان جەنگ ناوبەین دەوڵەتەیل لەبان ئەو داهاتەیلە هەس، نەتەوە یەکگرتگەیل گاڵ دەوڵەتەیلیگ زیاتر دەێد واژوو لەبان رێککەفتن ئاو بکەن، ک دانریاگە ئەرا کەمەوکردن ژاوەژاو و خاسەوکردن هاوکاری ناودەوڵەتی.
