عراق له‌باره‌ى سزانن كونسوڵخانه‌ى ئيرانى هاته جواو
شه‌فه‌ق نيوز/ وه‌زاره‌ت خارجيه‌ى عراقى، سزانن كونسوڵخانه‌ى ئيرانى له نه‌جه‌ف پيرووز له‌لايه‌ن خوه‌ينيشانده‌ره‌يله‌و ئدانه كرد.
وه‌زاره‌ت خارجيه‌ى عراقى له به‌ياننامه‌يگ وت: وه تونى ئدانه‌ى ئه‌و كرده‌وه‌ى سزانن كونسوڵخانه‌ى ئيرانه ئه‌كه‌يم له نه‌جه‌ف و ئه‌و ده‌سدريژيه له‌لايه‌ن كه‌سه‌يليگ نه‌ناسرياێ ك ئامانج له‌لى ئاشكراسه‌و ئه‌خوازن زه‌ره‌د وه په‌يوه‌نديه‌يل مێژوويى ناونى عراق و ئيران بڕه‌سنن و وه‌ل باقى ده‌وڵه‌ته‌يل تر جه‌هان ك نێرده‌يليان له عراق كار ئه‌كه‌ن.
به‌ياننامه‌گه هه‌ميش وت: له‌وه‌ختيگ ك جه‌خت له‌وه ئه‌كه‌يم و ئويشيم خوه‌ينيشانداين مافيگه ده‌ستوورى و هيمان داواكارى خوه‌ينيشانده‌ره‌يل ره‌واسه له‌لاى حكومه‌ت، وه‌لێ ئيمه مادام وشدارى دايمنه له هاتنه‌ناو كه‌سه‌يليگ ئه‌خوازن خوه‌ينيشانداينه‌يل بشيونن، ئه‌يه ده‌ليله ئه‌را ئه‌وه‌گ ئه‌جنداى دوير له خواسته‌يل نيشتمانى وجوود ديرن و داوايش له خوه‌ينيشانده‌ره‌يل ئه‌كه‌يم مقه‌يه‌ت بوون له‌و كه‌سه‌يل گومانليكرياگه ك ئامانجيان ئه‌وه‌سه خوه‌ينيشانداينه‌يل خراو بكه‌ن.
