عراقیەیل وە پلەی سێیەم تێن لە ماڵ سەنین لە تورکیا

دەسەگە لە راپۆرتیگ ک ئاژانس شەفەق نیوز نوڕستیە وەپی راگەیان، " فرووشتن ماڵ لە تورکیا وە بیانیەیل وە رێژەی38.7٪ داوەزیاگە وە بەراورد وە ئەو مانگە لە ساڵ گوزەشتە ک رەسیە 3415 موڵک،  ئانتالیا وەپلەی یەکم تێد 1324 ماڵ، دویایی ئستەنبول لە پلەی دویەم وە فروشتن 1090 ماڵ، دویایش مرسین وە 240 ماڵ ".

دیاریکرد" روسەیل هانەبان ئەو وڵاتەیلتر لە سەنین ماڵ لە تورکیا لەماوەی مانگ ئازار وە شمارەی 1175 ماڵ ، و ئیرانیەل وە پلەی دویەم تێن  وە سەنین 472 ماڵ، عراقیەیل وە سێیەم تێن وە شمارەی165 ماڵ، ئۆکرانیا وە چوارەم وە 160 ماڵ، و کازاخستان وە پەنجەم وە 121 ماڵ".

عراقیەیل لە ساڵ  2015ەو لە لویتکەی لیست سەنین ماڵ و موڵک لە تورکیا بوین، ئەرا پلەی دویەم داوەزیان لە دویای ئیرانیەیل لە ساڵ  2021، وە لە نيسان 2022 ئەرا پلەی سێیەم داوەزیان  لەدویای ئەوەگ روسیەل زاڵبوین وەبان ماڵ و موڵک سەنین لە تورکیا.