عراقیەیل چەوەڕی رووژ جمعە کەن تا کەمیگ دەر دووزەق بوەسیەێد
![عراقیەیل چەوەڕی رووژ جمعە کەن تا کەمیگ دەر دووزەق بوەسیەێد](https://media.shafaq.com/media/arcella/1654596074925.jpeg)
شەفەق نیوز/ شارەزای کەشناسی عەلی جابر زیادی، ئمڕوو سێشەممە، وت: ئی شەپوول گەرمی سەختە ک شارەیل عراق گردیەسەو، ئەوەسا دویای نیمەڕو پەنجشەممە، لە شارەیل باکوور و خوەرئاوا وبەشەیگ لە ناوڕاس وڵاتەگە شکیەێدەو، و مەزەنە هەس لە رووژ جمعەو داوەزینیگ لە گەرمیەگە بوود.
زیادی ئەرا ئاژانس شەفەق نیوز وت: ئەوەسا کەشوهەوا گەرمەگە وەهاتن پارچەی وای هوونکیگ وەرد وای باکووری خوەرئاوایی گورجیگ داوەزیەێد.
وتیش: مەزەنە کەیمن لە رووژەیل ئایندە وهەفتەی بانان کەشوهەوای ئاسایی وپلەی گەرمی وەگورەی ئاست ساڵانە بوود.
دویەکە دووشەمەمە، شارەزای کەشناسی سادق عەتیە وت: ئەوەسا عراق بوودە دووزەق سەختیگ ئەگەر کەمئاوی وبیاوانی وەردەوام بوود.