عراقیەیل لە پلەی سێیەم تیەن لە سەنیین ماڵ و موڵک لە تورکیا

دەسەی ئامار توورکیا لە نووترین ئامار ک ئاژانس شەفەق نیوز نووڕیەی راگەیان ک" فروشتن ماڵ وە بیانیل وە رێژەی 18.6 لەسەد داوەزین وەخوەی دیە وە چەو هەمان مانگ لە ساڵ گوزەشتە، ئیرنگە 6 هەزار و 386 ماڵە، ئانتالیا  پلەی یەکەم وە دەسهاوردیە وە هەزار و 965 ماڵ و ئستەنبول پلەی دویەم وە  فروشتن هەزار و 968 ماڵ و لەدویایش مێرسین وە 663 ماڵ.

وتیش، " تورکیا لەماوەی 2022 تا ئیسە 67 هەزار و 49 ماڵ وە بیانیەیل فروشتیە و رێژەگە بەرزەوبویە و رەسیە 15.2% بەرزەوبویە لەهەمان وەخت لە ساڵ گوزەشتە".

وتیش" هاوڵاتیەیل رووسیا وە پلەی یەکەم تێن وە هەزار و 403 ماڵ، دویایان ئیرانیەیل وە دویەم تیەن وە 675 ماڵ، و عراقیەیل وە  435 ماڵ وە سێیەم تیەن و ئۆکرانیەیل چوارەمن وە  306 ماڵ و کازاخستانیەیل پەنجەمن وە 266 ماڵ".

عراقیەیل لە ساڵ 2015ەو هانە ناو لیست بسینەیل ماڵ لە تورکیا باوجی وەرد سەرەتای ساڵ 2021 داوەزی ئەرا پلەی دویەم لە دویای ئیرانیەیل و لە مانگ ئازار 2022 ئەرا پلەی سێیەم داوەزی  لە دویای ئەوەگ رووسیا بوویە زیاترین بسنەیل ماڵ لە تورکیا.