عراق لەژیر گەرمی سزێد.. 11 پارێزگا رەسنە پلەی کوڵيان (خشتە)
شەفەق نیوز ـ بەغداد
دەسەی کەشناسی و زەویلەرزەناسی عراق، ئمڕوو دووشەممە، راگەیان وڵاتەگە لوتکەی شەپوول گەرمی وەخوەی دوینێد، کە لە رووژ سێشەممە، دەسکەێدە داوەزیان و لە رووژ پەنجشەممەی ئایندە کۆتایی تێد وەرد داوەزیان کەمکەم پلەی گەرمی.
دەسەگە لە بەیاننامەیگ رەسیە ئاژانس شەفەق نیوز وت، "داتا و زانیاریەیل کەشناسی کە رەسینەس وە بەش کەشوهەوا دیاریکەن ئەرا داوەزیان ئەو شەپوول قایمە وەشیوەی کەمکەم لە رووژ سوو سێشەممەو، و لە شەوەکی پەنجشەممە کۆتایی تێد، مەزەنەکرێد دویای یە پلەی گەرمی وە چەن پلەیگ بەراورد وە رووژەیل گوزەشتە داوەزێد".
دەسەگە ئاشکرایکرد، ئێ شەپوولە لە ژیر کاریگەری وەرز تاوسان تێد لە ئەنجام "گومەزی گەرمی" کە وە مدوو دوو سیستەم کەشوهەوان: بەرزەبوین پەستان لە تاقە بەرزەیل کەش و درویژەوبوین نزمەپاڵەپەستۆ پلەی گەرمی رووکەش لە نیمچە دوورگەی عەرەبی.
وەپای خشتەگە کە دەسەگە بڵاویکردیە ئەراپلەی گەرمی مەزەنەکریاگەیەیل، ئمڕوو دووشەممە لە بڕیگ پارێزگا پلەی گەرمیرەسێدە نیمەی پلەی کوڵیان کە پارێزگایەیل: بەغداد، سەڵاحەدین ، و کەربەڵا و بابل و واست و نەجەف و دیوانییە و میسان و زیقار و موسەنا و بەسرەن.
باوجی سوو سێشەممە، پلەی گەرمی نیمەی کوڵیان لە پەنج پارێزگا وەردەوام بوود کە بریتین لە: بەغداد، میسان، و زیقار، و موسەناو بەسرە.
رووژ چوارشەممە، پلەی نیمەی کولیان تەنیا لە چوار پارێزگا مینێد کە بریتین لە: میسان زیقار، موسەنا، بەسرە، رووژ پەنجشەممە، لە گشت پارێزگایەیل عراق ئەرا ژیر پلەی کوڵیان داوەزێد.
