عراق فڕۆکە جەنگی وەکار تیەرێد لە هاندان ئەرا وەجیهاوردن قەیەغەگە و رێکارە مقەیەتیەگان لە کۆڕۆنا
2020-06-21T13:56:19+00:00
شەفەق نیوز/ سوپای عراقی، ئمڕوو یەکشەممە، دەسکردە وەکارهاوردن فڕۆکەوان جەنگی ئەرا ئەوە بڵاوکردن بخەێدە خوار، ک هاندەێد لە جیوەجیکردن رێکارەیل قەیەغە و رێوشۆنە مقەیەتیەگان.
نسەیف جاسم خەتابی پارێزگەر کەربەلا لە بەیاننامەیگ، ئمڕوو وت؛ فڕۆکەوانی سوپا دەسکردە وەخوارخستن بڵاوکراوه‌یل لە ناوچەیلیگ جوارجور لە پارێزگاگە، ئەرا هانداین هاووڵاتیەیل وە پابەندبوین وە قیەغەی هاتووچگن و رینما تەندروسیەگان، ئەرا نواگردن لە زیایبوین تووشهاتنەگان.
هەژمار تووشهاتنەگان وە ڤایڕۆسەگە وەی دویاییە زیایەوبوی ئەرا ئاستەیل پەیمانەیی، وەگەرد بەرزەوبوین رێژەی مردن، ک وەرپرسەیل تەندروسی دووپاتکەن ک کۆڕۆنا وەشیەوەیگ گەورا بڵاوەبویە له ناو کۆمەڵگاگە.
