عراق کەفێدە وەر واران و داوەزین کەمیگ لە پلەیل گەرمی
شەفەق نیوز/ سادق عەتیە پسپۆر کەشناسی، ئمڕوو پەنجشەممە، وت: ناوچە و شارەیل عراق لەماوەی دو ڕووژ کەفێدە واران وارین و داوەزین کەمیگ لە پلەیل گەرمی.
عەتیە لە بڵاوکردنیگی لە تووڕ کۆمەڵایەتی وت: وێنەیل مانگە دەسکردەیل دیاریکەن پسای ئاسمان لە دۊای نیمەڕوو ئمڕوو پەنجشەممە ئەورەیلە رۊ وەرەو باکور خوەرئەڵات کەن وەگەرد وای تونیگ، دیاریکرد، دۆخ خیرایگ لە کەشوهەوا ئمشەو و سوو نیمەروو جومعە وەردەوامە لە رووژ شەممە لە گشت شارەیل کۆتایی تیارێد بیجگە هەرێم کوردستان.
دیاریکرد دۆخەگە لاوازە و لەوانەس ناوچەیلیگ لە شارەیل فورات ناوەڕاس نەگردەو و ئەورەیلە لە کەشوهەوای شەو فرەوبوون.
عەتیە ئاشکەرایکرد، مەزەنە هەس، شەو پەنجشەممە/ جومعە، واران بوارێد لە شارەیل جیاواز باشوور و ئەنبار و خوەرئاوای نەێنەوا لەماوەی دیروەختەیل شەو دەسوەپی کەێد، ناوچەیل فرەیگ نێگرێدەو لە شارەیل باکوور و ناوچە جیاوازەیل شارەیل ناوراس و بەغدا و واست و دیالە و سەڵاحەدین.
وتیش و لە ماوەی شەو جومعە وەردەوامە وەگەرد واران وارین لە ناوچە جیاوازەیل شارەیل باشوور وڵاتەگە و باکوورەگەی شایەت نەوچەیلتریش بگرێدەو.
لەباوەت پلەیل گەرمی کەشتناسەگە وت، داوەزین کەمیگ دۊنێد باوجی وەردەم بوود لە تێکراگەی.
عەتیە وتیش؛ چالاکی پیشبینی کریاگ ئەرا وا باشوور خوەرهەڵاتە و دۊای ئەوگ ئاڵشت بوود ئەرا باکوور خوەرئاوا بوودە مدووی کەمی مەودای دۊنیین ئاسۆیی ، لەوەر هەڵسیان توز و وشکی لە خوەرئاوای وڵات و باشوور خوەرئاوا، و ئی ئاڵشکاریە شارەیل بەسرە و میسان نەێگردەو وای باشوور خوەرهەڵاتی تاکو گوڵسوو یان شەوەکی شەممە وەردەوامە.
