عراق کەفێدە وەر کاریگەری داوەزیانیگ وەهاری کە شەپوول خوەل وارین مامناوەندیگ ها وەگەردیا
2024-03-06T07:30:19+00:00
شەفەق نیوز/ شارەزای کەشناسی سادق عەتیە وت؛ داوەزیان پاڵەپەستۆی نزمیگ وەهاری وە رێژەی کەمیگ، ئمڕوو چوارشەممە و سوو پەنجشەممە کاریگەری وەبان کەشوهوای وڵاتەگە دروسکەێد.
لە پۆستیگ لەبان تووڕ کۆمەڵایەتی "فەیسبووک" وت، دەرفەت واران وارین تەنیا ها لە شارەیل بوکوور وڵات (نەینەوا، و دهۆک و سلێمانی و کەرکوک) هەمیش سەڵاحەدین، وتیش " هاتێ بەغدای پایتەختیش و دیالە لە وەخت شەو واران سوکیگ بگردیانەو".
وتیش شەپوول تەپوتوزیگ وە تونی مامناوەندیگ مەزەنەکرێد ئەرا ناوچەیل خوارئاوا و باشوور خوەرئاوای وڵات لە،ەر چالاکبوین وای باشوور خوەرهەڵات لە ئیوارەو و شەو ئمڕووە، لەدویای وە باکوور خوەرئاوا شکێدەو.
عەتیە وتیش: ئەو شارەیل ترەک کەشوهەوایان تا نیمەی هەفتەی ئایندە جیگیرە.
