عراق شەش تاوانبار وە باوەتەیل تیرۆر وەسێدارە دەێد
2021-02-09T12:40:34+00:00
شەفەق نیوز/ سەرچەوەیگ ئەمنی چەودێر لە پارێزگای زیقار، ئمڕوو سێشەممە، ئاشکرای جیوەجیکردن فەرمانەیل وەسێدارەدان دژوە تاوانبارەیلیگ وە باوەتەیل تیرۆری کرد.
سەرچەوەگە ئەرا ئاژانس شەفەق نیوز وت: وەڕێۆبەرایەتی زیندان حووت لە پارێزگای زیقار، ئمڕوو ٦ فەرمان دژوە تاوانبارەیلیگ وە باوەتەیل تیرۆری جیوەجی کرد، وەبی ئاشکراکردن لە شناسنامەی ئەوانەگ فەرمان وەسێدارەدانەگە لەبانیان جیوەجی کریاگە.
و دیاری کرد ک ئەو فەرمانبەرەیلە رەسینە پلەی دڵنیایی و لەلایەن سەرۆک کۆمار واژوویان کریا.
