عراق سێیەم گەورەترین هاوردەکار سیگار تورکییە وە 49 ملیۆن دۆلار

شەفەق نیوز - ئەنقەرە

داتایەیل کەرت تەماکووی تورکی، ئمڕوو دوشەممە، دەرخس  عراق کەفتیەسە پلەی سێیەم لەناوەین گەورەترین هاوردەکارەیل سیگار تورکی لەماوەی هەشت مانگ یەکەم لە سال 2026، وە بڕ  49 ملیۆن دۆلار، دویای وڵاتەیل یەکگرتگ و سوریا.

سەرۆک کۆمەڵەی هەناردەکارەیل تەنباکوو لە دەریای ئیجە سەلین جیمی وت؛  هەناردەی تورکیا لە تەنباکوو و بەرهەمەیلی 8% لەماوەی سال گوزەشتە بەرزەو بویە ئەرا 1.110 ملیار دۆلار، لە وەختیگ هەناردەی سیگار رەسیەس 361 ملیۆن دۆلار لەماوەی هەشت مانگ یەکەم لە 2026.

هەمیش، هەناردەی وەڵنگ تەماکوو 41% بەرزەو بویە ئەرا 279 ملیۆن دۆلار، لە وەختیگ هەناردەی تەنباکووی نێرگەلە رەسیەس 58 ملیۆن دۆلار و تەماکوو سیگار 43 ملیۆن دۆلار.

بەلجیکا کەفتەسە بان لیست هاوردەکارەیل تەماکوو تورکی وە 58 ملیۆن دۆلار، لەدوای ئەو وڵاتەیل یەکگرتگ وە 52.5 ملیۆن دۆلار، و دویایش ئەندۆنیسیا وە 15 ملیۆن دۆلار، لە وەختیگ وڵاتەیل یەکگرتگ کەفتیەسە بان لیست هاوردەکارەیل سیگار وە بڕ 54 ملیۆن دۆلار و لەدویای ئەو سوریا وە 53 ملیۆن دۆلار، و عراق چوارەم وە 49 ملیۆن دۆلار.