عراق زياتر له 70 هه‌زار حاڵه‌ت زه‌خمدارى له ئه‌نجام ته‌قه‌كردن هه‌ڕه‌مه‌كى تۆمار كرد
شه‌فه‌ق نيوز/ نه‌خوه‌شخانه‌ى نه‌خوه‌شيه‌يل سه‌ر له به‌غدا ئاشكراى ئه‌وه كرد له 2010 تا ته‌مووز 2019 پيشوازى له 72 هه‌زار و 790 حاڵه‌ت له‌ناكاو كردگه، ك زوورميان زه‌خمه‌گه‌يان له سه‌ر و به‌ن شه‌وكى بويه له‌ئه‌نجام روێداگه‌يل هاتوچوو و كه‌فتن و ته‌قه‌كردن هه‌ڕه‌مه‌كى و جه‌ڵته‌ى مه‌ژگ و حاڵه‌ته‌يل تر.
له‌و باوه‌ته‌و، وه‌ليد خالد حه‌يالى وه‌ڕيه‌وبه‌ر نه‌خوه‌شخانه‌گه له به‌ياننامه‌يگ وت: ته‌وارى و هۆڵه‌يل نه‌شتگه‌رێ نه‌خوه‌شخانه‌گه وه دريژايى 24 سه‌عات پيشوازى له حاڵه‌ته‌يل له‌ناكاو ئه‌كه‌ن له‌گشت ناوچه‌يل عراقه‌و بيجگه حاڵه‌ته‌يليگ ك له نه‌خوه‌شخانه‌يل تره‌و ره‌وانه‌يان ئه‌كريه‌ێد.
باس له‌وه‌يش كرد تيمه‌يل پزيشكى له هه‌مان ماوه 24 هه‌زار و 560 كار نه‌شته‌رگه‌رى ئه‌را كردنه‌وه‌ى مه‌ژگ و فه‌قه‌رات ئه‌نجام دانه له‌ناونى تايبه‌ت و نه‌شته‌رگه‌رى ژويه‌ر گه‌ورا و بڕيگ له‌لى خاس بوينه، وه‌لێ زوورم ئه‌و حاڵه‌ته‌يله نزيك بوينه له ناوچه‌ى سه‌ره‌و.
