عراق زياتر له‌ 6 مليار دۆلار داهات له‌ هه‌نارده‌ى نه‌فت مانگيگ ئاشكرا كرد

عراق زياتر له‌ 6 مليار دۆلار داهات له‌ هه‌نارده‌ى نه‌فت مانگيگ ئاشكرا كرد
2019-09-25T10:22:45+00:00

شه‌فه‌ق نيوز/ وه‌زاره‌ت نه‌فت ئاشكراى جه‌م هه‌نارده‌يل نه‌فتى و داهات خوه‌ى له‌ مانگ ئاب گوزه‌يشت كرد، ئه‌ويش وه‌گووره‌ى ئاماره‌يل كووتايى كۆمپانياى بازاڕكردن نه‌فت عراقى (سۆمۆ).

 

بڕ هه‌نارده‌ى ئه‌و نه‌فت خام عراقيه‌ (111)مليۆن و (706) هه‌زار و (135) به‌رميل بويه‌ وه‌ داهاتيگ ك ره‌سيه‌(6)مليار و(412)مليۆن و(705)هه‌زار دۆلار.

 

له‌ى باوه‌تيشه‌و عاسم جيهاد قسه‌كه‌ر وه‌ناو وه‌زاره‌ته‌گه‌ وت: جه‌م گشتى هه‌نارده‌ى نه‌فت خام له‌ مانگ ئاب گوزه‌يشت له‌ سه‌رچه‌وه‌يل نه‌فتى له‌ ناوڕاس و باشوور عراقه‌و ره‌سيه‌سه‌ (107) مليۆن و (520) هه‌زار و (44) به‌رميل وه‌ داهات(6)مليار و(203)مليۆن و(172)هه‌زار دۆلار.

 

جيهاد وت: ئه‌و نه‌فتيشه‌ ك له‌ كه‌ركوكه‌و له‌ڕێ به‌نده‌ر جيهان توركييه‌و هه‌نارده‌ كرياگه‌ ره‌سيه‌سه‌(3)مليۆن و(253)هه‌زار و (665)به‌رميل، وه‌ داهات(178) مليۆن و (723) هه‌زار و (785)دۆلار. يه‌يش بيجگه‌ هه‌نارده‌ى نه‌فت سه‌رچه‌وه‌ى گه‌ياره‌ ك ره‌سيه‌ (928)هه‌زار و (947)به‌رميل و  هه‌نارده‌ى نه‌فت ئه‌لسمود ئه‌را ئوردن.

Shafaq Live
Shafaq Live