عراق رێ وشوونه‌يل تازه‌يگ ئه‌را خوه‌يپاريزى له كۆرۆنا ئه‌گرێده وه‌ر
شه‌فه‌ق نيوز/ ليژنه‌ى باڵاى ته‌ندروستى و سه‌ڵامه‌تى نيشتمانى، ئاشكراى مه‌ندنه‌وه كرد له‌بان رێ و شوونه‌يل قه‌يه‌غه‌ى جيوه‌جيكردياێ له وڵات و ريگرى له گرده‌وبوين و باسيش له جيگيركردن سيستم تيق و جفت كرد ئه‌را جموجويل سه‌ياره‌يل و ئاسانكارى جموجويل خيزانه‌يل له‌ناونى پاريزگايه‌يل و جه‌خت له‌وه‌يش كرد ره‌زامه‌نى درياگه له‌بان هاتن تيميگ پزيشكى چينى ئه‌را سه‌رچه‌وه‌يل نه‌فتى ك كۆمپانيايه‌يل چينى له‌تى وجوود ديرن.
ليژنه‌گه له به‌ياننامه‌يگ ئه‌را شه‌فه‌ق نيوز وت: ليژنه‌ى باڵا بڕيار مه‌ندنه‌وه داگه له‌بان رێ وشوونه‌يل قه‌يه‌غه‌ى هاتوچوو وه‌ل جه‌ختكردن له گرتنه‌وه‌ر رينمايه‌يل خوه‌يپاريزى له ڤايرۆس كۆرۆنا و ريگرى له گردبوينه‌وه‌يل.
به‌ياننامه‌گه يه‌يش ده‌رخست ك ليژنه‌ى باڵا سيستم تيق و جفت ئه‌را جموجويل سه‌ياره‌يل و ئاسانكارى ئه‌را جموجيل خيزانه‌يل گيرخواردگ دا له‌ناونى پاريزگايه‌يل دوياى گرتنه‌وه‌ر رێ وشوونه‌يل سه‌ڵامه‌تى.
