عراق یەک رووژ پرسە ئەرا رەئیسی نەێد
2024-05-20T10:16:32+00:00
شەفەق نیوز/ حکومەت عراق، ئمڕوو دووشەممە، پرسەی گشتی لە گشت ناوچەیل وڵاتەگە راگەیان، لە خەفەت مردن سەرۆک ئیران ئیبراهیم رەئیسی و حسێن ئەمیر عەبدوڵلاهیان وەزیر دەیشت و یاوەرەیلیان کە لە کەفتن هیلیکۆپتەریگ باکوور خوەرهەڵات ئیران گیانیان لەدەسدان.
باسم عەوادی قسەکەر حکومەت عراق لە بەیاننامەیگ رەسیە ئاژانس شەفەق نیوز وت: وسیانمان وەشان گەل ئیران برا لەی وەختەیل سەختە،و هاوخەمی وەرد خوسە و ژان، وە کووچکردن ئیبراهیم رەئیسی سەرۆک کۆمار ئیسلامی ئیران، و حسێن ئەمیر عەبدوڵلاهیان وەزیر دەیشت و یاوەرەیلیان، لەو ریکاو دڵتەزنە، حکومەت عراق، ئەرا سوو سێشەممە، یەک رووژ پرسەی گشتی لە گشت ناوچەیل عراق راگەینێد.
دەوڵەتەیل سوریا و لوبنان و پاکستان پرسەی نیشتمانی لە وڵاتەیلیان دانان ئەرا مردن سەرۆک ئیران و یاوەرەیلی.
