عراق راگەینێد ١٥٥٣ تووشهاتن نوو و ١٧٦٦ خاسەوبوین لە کۆڕۆنا و هووشیاری لە زمسان دەێد
![عراق راگەینێد ١٥٥٣ تووشهاتن نوو و ١٧٦٦ خاسەوبوین لە کۆڕۆنا و هووشیاری لە زمسان دەێد](https://media.shafaq.com/media/arcella/1608121021992.jpeg)
شەفەق نیوز/ وەزارت تەندروسی وژینگەی عراق لەماوەی ٢٤ ساعەت گوزەیشتە زیاتر لە ١٥٠٠ تووشهاتن نوو وە ڤایڕۆس کۆڕۆنا تۆمار کرد، لە داوەزین ئاشکرایگ دویای ئەوەگ رێژەیل تووشهاتنەگان لەماوەی مانگەیل کەم دویایین بەرزەو بوین.
وەزارەتەگە لە بەیانامەی هەڵوێست پەتاگە وت: ١٥٥٣ تووشهاتن نوو تۆمار کرد تا بڕ تووشهاتنەگان لە وەخت بڵاوبوین ڤایرۆسەگە لە وڵاتەگە تا ئیسە بڕەسێدە ٥٧٨٩١٦.
بەیاننامەگە ئاماژەدا وە خاسەوبۊن ١٧٦٦ تووشهاتگ تا ژمارەی گشت خاسەوبویەگان بڕەسێدە ٥١٣٤٠٥، و وتیش؛ ٢٢ تووشهاتگ ئمڕوو مردن تا ژمارەی گشت مردنەگان بوودە ١٢٦٣٦.
لەبەیانامەیگ جیواز، وەزارەتەگە دووارەی دووپاتکردنی لە گرنگی پابەندبوین وە ریکارە مقەیەتیەگان وەگەرد وەرز زمسان کرد، ک ژینگەی گونجیاگیگ ئەرا گواستنەوەی پەتاگە لەناو مەردم دروس کەێد.
وەزارەتەگە وتیش؛ رەوش پەتاگە لە عراق وەرەو خاسی چوود، ئەوەیش لە داوەوین ژمارەی تووشهاتنەگان و مردنەگان وەشیوەیگ ئاشکرا وەگەرد بەرزەوبوین رێژەی خاسەوبوینەگان و ژمارەی تاقیکردنەوەگان ئەرا دە قات لە وەخت مانگ ئایار گوزەیشتە، لە ئەنجام رەنجە وەردەوامەگان لەلایەن وەزارەت تەندروسی و سوپای چەرمگی و وەگەرد توانایل کەمی و وەدەسمیەتی وەزارەت و لایەنە فەرمی و نافەرمیەگان.