عراق ئەرا تۆمارکردن ناودەوڵەتی باوەت فەیلی جوولە کەێد
شەفەق نیوز/ دامەزراو شەهیدەیل کار ئەرا گەشەکردن وە ستڕاتیجیگ ناوەندی ئەرا پرسیارکردن لە بیسەروشوینەیلە کەێد، وەتایبەت لە کۆمەڵە قەورسانەیلە، و دووپات هەماهەنگیی وەرد لایەنە ناودەوڵەتیەیلە ئەرا چارەسەرکەردن باوەت بیسەروشوینکردن کرد، وەگورەی رووژنامەی «سەباح» نیمچە فەرمی.
رووژنامەگە لە زوان تارق مەندەلاوی وت: حكومەتەگە ئیسە دیرێد ئامادەی رەشنووس یاسای بیسەروشوینکردن کەێد تا رەوانەی بکەێد پەرلەمان و لەماوەی ئایندە واژووی بکەێد.
وتیش؛ رەشنوورەگە جوور بەشیگە لە پابەندی ناودەوڵەتی عراق لەی باوەتە، و دووپات کرد لە تەقەلایل دامەزراوەگە ئەرا گەشەکردن وە ستڕاتیجیگ ناوەندی ئەراک پرسیارکردن لە بیسەروشوینەیلە وەتایبەت لە کۆمەڵە قەورسانەیلەی ناو وڵاتەگە.
مەندەلاوی باس بیسەروشوینکردن کرد ک لەو تاوانەیلەسە ک پێشێلکردن زاق و ئاشکرایگە لەبان مافەیل مرۆڤ، ک هیشت کۆمەڵگای ناودەوڵەتی لە ساڵ ٢٠٠٦ رێککەفتنیگ ئەرا مقەیەتیکردن گشت کەسەیلە لە بیسەروشوینکردن بسازێد، وتیش؛ عراق لە دەوڵەتە دازەمزرێنەیلە لەو رێککەفتنە، وتیش؛ دامەزراوەگە وەگشت فەرمانگەیل لە کارەیلی دووپات لە گرنگی یاسایل داد گواستنەوە کەێد ک دامەزراوەگە لە بنەمای یاسای شمارە ٢ ئەرا ساڵ ٢٠١٥ بەندەیلی جیوەجی کەێد، ئەرا وەدادڕەسین قوربانیەیلە و کەسوکارەیلیان لەوانەگ بیسەروشوینکردن ناچاری لەبانیان چەسپیا.
وەڕێۆبەر فەرمانگەی شەهیدەیل قوربانیەیل تیرۆر ئاشکرای چارەنووس ٢٢ هەزار هاووڵاتی کورد فەیلی کرد لەناو دەیان هەزار لەوانەگ رژیم لەناوبریاگ وەرەو ئیران لە سەرتای هەیشتاکان سەدەی گوزەیشتە باریان کرد، ک هیمان چارەنووسیان نادیارە، و لەلای دامەزراوەگە و کۆمسیۆن ماف مرۆڤ تۆمار کریانە، وەخاتر تۆمارکردن ناودەوڵەتی باوەتیان.
