عراق دوو پارچەی ئاسەواری چوار هەزار ساڵەی وەرگرێد
2022-01-18T07:21:49+00:00
شەفەق نیوز/ وەزارەت دەرەوەی عراق، ئمڕوو سێشەممە، راگەیان دو پارچەی ئاسەواری لە ئەمریکا وەرگرێد.
قسەکەر وەزارەت دەرەوە ئەحمەد سەحاف لە بەیاننامیگ رەسییە ئاژانس شەفەق نیوز وت؛ واشنتۆن دوو پارچەی ئاسەواری گلەو دەێدە دەس عراق ک چوودەو ئەرا زیاتر لە ٤۰۰۰ ساڵ" .
ئاشکەرایش کرد؛ دوو پارچەگە " تابلۆیگ مێخیە چوودەو ئەرا شار ئوور و دۊیەم نامیلکەیگ مێخی فرە دەگمەنە چوودەو ئەرا شار بابل کۊن، لە جەهان تەنیا ئی دو دەنگە هەس.
ئاسەوار عراق لە دۊیای ساڵ ۲۰۰۳ رۊیوەرۊ تاڵانی و دزین هاتن، و دۊیای داگیکردن بڕیگ شارەیل عراق لەلایەن داعش، لە ئاسەوارەیل فرووشت ئەرا دارایی ئەندامەیلی.
