عراق داوای دەسمیەتی لە ماکڕۆن کەێد ئەرا هاوردنەوەی پویلەگان لە ئۆڕوپا
2020-09-02T10:21:52+00:00
شەفەق نیوز/ عەلی بدێری نوێنەر فراکسیۆن حیکمە، رووژ چوارشەممە، وت: عراق داوا لە ئیمانوێل ماکڕۆن سەرۆک فەڕەنسا کرد دەسمیەتی بیەێد لە هاوردنەوەی پویلە تاڵانکریایەگان و هشکەوبویەگان لە ئۆڕوپا.
بدێری ئەرا ئاژانس شەفەق نیوز وت: گرنگی ناودەوڵەتی گەورایگ هەس ئەرا دەسمیەت عراق لە وەپشتسەرنان قەیرانە تەندروسی و ئابووریەگەی، ودیاری کرد ک سەردان سەرۆک فەڕەنسا ئەرا بەغداد ئەرا پشتگیری عراق هات و ووسانن وەگەردی ئەرا وەپشتسەرنان قەیرانە داراییەگەی دویای داوەزین نرخەیل نەفت لە ماوەی گوزەیشتە.
وتیش: حکومەت عراق داوا لە ماکڕۆن کەێد دەسمیەتی بیەێد لە هاوردنەوەی پویلە تاڵانکریاگ وهشکەوکریایەگان لە ئۆڕوپا، وچوونیەتی مەرەقەزکردن و هاوردنەوەی و مەرەقەزکردن گشت پویلە هشکەوکریایەگان لە بانکە ئۆڕوپیەگان وهاوردنەوەی ئەرا بەغداد.
ئیمانوێل ماکڕۆن سەرۆک فەڕەنسا، کۆبونەوەیگ هاوبەش ئەنجامدا وەگەرد بەرهەم ساڵح سەرۆک کۆمار و موستەفا کازمی سەرۆک وەزیران ومحمد حەلبوسی سەرۆک پەرلەمان.
ماکڕۆن لە قسەگانی لە بەغدادەو وت: هێزەیل عراق و فەڕەنسا وەگەرد یەکەو جەنگ کەن ئەرا دووپاتکردن لە شکستهاوردن جیهادیەگان.
وتیش سەختیەگان فەرەن ئەرا دابینکردن سەروەری عراق وەگشت شیوەیل ئەمنی وئابووریی لە ناوخۆ وناوچەگە، وهووشداریدا ک ئارامي هەرێمیەگە هالە کنارەگەی.
