عراق.. دەسگیرکردن ١٠ تیرۆریستە بەغداد و ئەنبار و دیالە
شەفەق نيوز/ هێزە ئەمنییەیلەی عراق، ئمڕوو دووشەممە، دە تیرۆریست وە ئۆپراسیۆنەیل جیاجیا لە بەغداد پایتەخت، و پارێزگایل دیالە و ئەنبار دەسگیر کرد.
لیوا یەحیا رەسول قسەکەر هێزە چەکدارەیلە لە بەیاننامەیگ رەسیە ئاژانس شەفەق نیوز وت: دەزگای دژەتیرۆر وەردەوامە لە تەقەلایل هەواڵگری و ئۆپراسیۆنەیل لەبان چەتەیل داعـش، ل٣ بنەمای فەرمانەیل فەرماندەی گشتی.
رەسول وتیش؛ پاڵەوانەیل دەزگاگە ئەرک یەکەم خوەیان لە پارێزگای ئەنبار جیوەجی کردن، و شانەیگ ئە چەتەیل داعـش لە شەش کەسن ل٣ فەلوجە و رەمادی چەکان.
وتیش: هەمیش تیرۆریستیگ لە قەزای ئەبوغرێب لە خوەرئاوای بەغداد پایتەخت دەسگیر کریا.
لەلای خوەییش، وەڕیەوبەرایەتی هەواڵگری سەربازی سەروە وەزارەت وەرگری عراق راگەیان دەسگیرکردن سێ تیرۆریست لە ناوچەیل جەلەولا و باکوور موقدادیە لە پارێزگای دیالە.
وەڕیەوبەرایەتیەگە لە بەیاننامەیگ رەسیە ئاژانس شەفەق نیوز وت: دەسگیرکردن سێ تیرۆریستەگە لە لەبنەمای زانیارەیل هەوالی هات، و وەگورەی مادەی ٤ تیرۆر داوا کریانە.
