عراق ٦٤٤ خوەیکوشتن لە ساڵ ٢٠٢٠ تۆمار کەێد و بەغداد هالە وەردەم
شەفەق نیوز/ دکتۆر فازڵ غەراوی ئەندام کۆمسیۆن ماف مرۆڤ، ئمڕوو سێشەممە، ئاشکرای نشانەکردن کۆمسیۆنەگە لە بەرزەوبوین خوەیکوشتنەکان لە گشت پارێزگایل عراق ئەرا ساڵ ٢٠٢٠ کرد.
غەراوی وت: خوەیکوشتنەکان لە ساڵ ٢٠٢٠ رەسینە ٦٤٤ خوەیکوشتن، و ئاماژە کرد ک بەغداد لەوەردەمیان بوی ک ژمارەی خوەیکوشتنەکانی رەسیە ١٣٩، ئیجا پارێزگای بەسرە وە ٨٦ خوەیکوشتن، و پارێزگای زیقار وە ٨٠ خوەیکوشتن، و پارێزگارەی نەینەوا وە ٦٩ خوەیکوشتن.
غەراوی دیاری کرد ک ژمارەی پیاوەکان لەناویان رەسیە ٣٦٨ و ژنەکان ٢٧٦ خوەیکوشتن بوی.
ئەندام کۆمسیۆنەگە وتیش: ١٥٩ لە خوەیکوشتنەکان وە گولەی چەکەیلیگ لە نزیکەو بویە، و ٣١٩ لەلیان وەسێدارەدان وەکارهاوردن پەت بویە، و ٦ لەلیان لەبەرزایی خوەیان خستنە، و ١٢٢ لەلیان وە ئاگر، و ٢٠ لەلیان وە ژهر، و ٣ لەلیان وە دەمار بڕین، و ٨ وە خنکانن، و دووان وەکەهرەبا خوەیان کوشتنە.
دەربارەی هووکارەیل خوەیکوشتنەکان، غەراوی دیاری کرد ک هووکارەیل لەناونی کۆمەڵایەتی و دەروینی و ئابووری بوینە، و هەمیش لەوەر نەداری وکاریگەری جەنگەیل و خراوبوین رەوش ماف مرۆڤ، و داوا لە حکومەت کرد ریکارەیلیگ زوینە ئەرا بتەوکردن و مقەیەتیکردن ماف مرۆڤ بکەێد، و دابینکردن دەرفەتەیل کار و خزمەتگوزاری و ژیان گونجیاگ و نیشتەجی خاس ئەرا نواگردن مەترسی خوەیکوشتن.
