عراق خاسەوبوینیگ لە داهات فروشتن نه‌فت راگەینێد
شەفەق نیوز/ وەزارەت نەفت عراقی، ئمڕوو چوارشەممە، راگەیان لە بڕ هەناردەیل و داهاتەیل مانگ حوزەیران گوزەیشتە، وەگورەی ئامارە سەرەتاییەگە لە کۆمپانیای نەفت عراقی سۆمو .
لە بەیاننامەیگ ک رەسیە ئاژانس شەفەق نیوز دیاری کرد؛ ک بڕ هەناردەی نەفت خام رەسیە ٨٥ مەلیۆن و ٤٩٠ هەزار و ١٩٤ بەرمیل، وەداهاتیگ رەسیە زیاتر لە ٢ ملیار و ٨٦١ مەلیۆن و ١٤٠ هەزار دۆلار.
وەگورەی قسه‌یل عاسم جهاد قسەکەر فەرمی وەناو وەزارەتەگە، بڕ گشت نەفت هەناردەکریاگ ئەرا مانگ حوزەیران گوزەیشتە لە گیڵگە نەفتیەگان ناوڕاس و باشوور عراق رەسیە ٨١ مەلیۆن و ٧ هەزار و ٦٧٥ بەرمیل، وگێڵگەی کەرکوک لەری بەندەر جهیان ره‌سیە ٣ مەلیۆن و ٤٨٢ هەزار و ٥١٩ بەرمیل.
جهاد ئاماژەدا ک رێژە رووژانەی گشتی ئەرا هەناردەگان رەسیە ٢ مەلیۆن و ٨١٦ هەزار بەرمیل.
ئی ژمارەیلە ک وەزارەت نەفت ئەرا ئی مانگە راگەیان ، خاسەوبوینیگ دەرخەێد لە داهاتە نەفتیەگان وەگورەی مانگ گوزەیشتە.
