عراق تووشهاتنەیل رووژانەی بیوەرینیگ وە ڤایڕۆس کۆڕۆنا تۆمارکەێد
![عراق تووشهاتنەیل رووژانەی بیوەرینیگ وە ڤایڕۆس کۆڕۆنا تۆمارکەێد](https://media.shafaq.com/media/arcella/1600875094572.jpeg)
2020-09-23T15:32:08+00:00
شەفەق نیوز/ وەزارەت تەندروسی وژینگەی عراق، ئمڕوو چوارشەممە، راگەیان تۆمارکردن ٥٠٥٥ تووشهاتن نوو وە ڤایڕۆس کۆڕۆنا لەماوەی ٢٤ ساعەت گوزەیشتە، جوور بەرزترین ئامار تووشهاتن لەوەخت بڵاوبوین پەتاگە، تا ژمارەی گشتی بڕەسێدە ٣٣٢٦٣٥ .
بەرزترین ئامار وەربن لە پای ٥٠٣٦ تووشهان بوی، لە چوار لەی مانگە تۆمارگریا.
وەزارەتەگە لە بەیاننامەیگ ئەرا هەڵوێست رووژانەی پەتای کۆڕونا رەسیە ئاژانس شەفەق نیوز وت: ٣٢٣١ خاسەوبوین تۆمار کریاگە تا بڕ خاسەوبوینەگان بڕەسێدە ٢٦٤٩٨٨، وبڕ مردنەگان لە دویای تۆمارکردن ٧٢ مردن، رەسیە ٨٧٥٤ کەس.