عراق بەرزەوبوینیگ لە مردنەگان وەگەرد ٢٢٢٤ تووشهاتن نوو وە کۆڕۆنا تۆمار کەێد
![عراق بەرزەوبوینیگ لە مردنەگان وەگەرد ٢٢٢٤ تووشهاتن نوو وە کۆڕۆنا تۆمار کەێد](https://media.shafaq.com/media/arcella/1613314373120.jpg)
شەفەق نیوز/ عراق ئمڕوو یەکشەممە، بەرزەوبوین ئاشکرایگ لە ژمارەی مردنەگان و تووشهاتنەگان وە ڤایڕۆس کۆڕۆنا لە ماوەی ٢٤ ساعەت گوزەیشتە تۆمار کرد.
وەزارت تەندروسی وژینگەی عراق لە هەڵوێست رووژانەی پەتاگە ک رەسیە ئاژانس شەفەق نیوز وت: ژمارەی تووشهاتنەگان رەسیە ٢٢٢٤ و ژمارەی خاسەوبویەگان بویە ١٠٧٩، و ژمارەی مردنەگان ١٥ بوین.
وەگورەی هەڵوێست پەتاگە، گشت ژمارەی خاسەوبویەگان رەسیە ٦٠٧٠٥٩ ، وە رێژەی ٩٤،٣٪ ، و گشت ژمارەی تووشهاتنەگان بویە ٦٤٣٨٥٢، و ژمارەی تووشهاتنەگان لە چارەسەری بویە ٢٣٦١٤، و ژمارەی تووشهاتنەگان لە ژیر چەودیری وورد ٢٧٥، و گشت ژمارەی مردنەگان بویە ١٣١٧٩.