عراق ئامادەکاری ئەرا وەرگردن ملیۆنا تاقەبەش لەوەر شەپۆل پەتای تۊنتر کەێد
شەفەق نیوز/ وەزارەت تەندروسی و ژینگەی عراق، ئمڕوو شەممە، ئاشکرا کرد ئامادەکاری ئەرا هاوردە کردن ملیۆنا تاقەبەشێل تایبەت وە ڤاکسین کۆرۆنا ئەرا وڵات کردنە.
خانمە ئەندام تیم راگەیانن لە وزارەت تەندروسی، روبا فەلاح، ئەرا ئاژانس شەفەق نیوز وت: لە کۆتایی ئی ساڵە ملیۆنا تاقەبەشێل تایبەت وە ڤاکسین کۆرۆنا رەسێدە دەسمان، وە ئامانج ئەوەگ وە ڕێژەی ڤاکسین دەرەێل لە گشت عراق برەسێدە 50٪.
وتیش؛ کۆنترۆڵ دۆخ پەتاگە کرێد، وە زیادکردن شمارەی ڤاکسین وەرگردگەێل ئەرا ئەوەگ وەرگری وەهێزیگ لە کۆمەڵگە دروس بوود، یەیش ئەوەس ک وەزارەتەگە مینەێ کەێد و کار ئەرای کەێد، تا دڵنیایی پەیا بوود و ترس نەمینێد لە هەر شەپۆلێگ پەتاگە باێد، مەزەنە کریەێد مەترسیدارتر و تۊنتر بوود.
و باسکرد، تا ئیسە هۊیچ رێنماییێگ نییە لەبان تاقەبەش سێیەم، وە تایبەت ئی بڕیارە وە بڕیارێگ زانستی و تەکنیکی لە لایەن پسپۆرەێل رێکخریاگ تەندروسی جەهانی گرێدەخوەی.
