عراق کاروانە ئاسمانییەکانی وەگەرد وڵات چین دووارە خەێدە ریر
شەفەق نیوز/ وەزارەت گواستنەوەی عراقی، ئمڕوو شەممە، راگەیان هاتنەوەی کاروانەیل هێڵ ئاسمانیی وەگەرد دەوڵەت جەماوەری چین.
وەزارەتەگە لەبەیانامەیگ ئمڕوو وت: گشت مووڵەتەکان ئەرا هاوردنەوەی کاروانە ئاسمانییەکان لەناوبەین عراق و چین کەفتنە دەس.
وەگورەی بەیاننامەگە، ئەوەیش وە مووڵەت تەندروسی لەناوبەین دوو دەوڵەتەگە هات ئەرا مسۆگەرکردن سەڵامەتی گەشیتارەیل و رینما و مەرجە داواکریایەیل لەلایەن دەسەڵاتە تەندروسیە چینیەکان، و هەمیش وە پشتبەسان وە پڕۆتوکۆلە نووەکان و تایبەتکردن بەشیگ لە شوونەیل کاروانەگە ئەرا گەشتیارە عراقیەکان ک فیزای چین وەرگردنە، ودابینکردن کاراونیگ راستەخۆ هەر یەک هەفتە، جوور قۆناغیگ سەرەتایی.
بەیاننامەگە وتیش؛ کاریش ئەرا هاتنەوەی کاروان بارەکان و گواستنەوەی کاڵا وشمەک وەردەوامە، وەخاتر گرنگی فراوانیگ لە زیایکردن گواستنەوەی بازرگانی لەناوبەین عراق و چین، و هەمیش کار وەرەوامە ئەرا کاراوانەیلیگ فرەتر لەدویارووژ تا ژمارەیلیگ فرەتر لە گەشتیارەیل بگرێدەو.
