عراق ئاشكراى هه‌نارده‌كردن 2،8 مليۆن به‌رميل كردو داواكارييگ ئاراسته‌ى كوردستان كرد
2020-06-15T08:13:49+00:00
شه‌فه‌ق نيوز/ ئحسان عه‌بدولجه‌بار ئسماعيل وه‌زير نه‌فت عراقى، ئاشكراى ئه‌وه كرد عراق رووژانه ده‌س ئه‌كاده هه‌نارده‌كردن 2،8 مليۆن به‌رميل نه‌فت سووك له يۆنيۆ/ حزه‌يران.
ئسماعيل له ديمانه‌يگ وه‌ل كه‌ناڵ ئه‌لشه‌رقيه ك ئاژانس شه‌فه‌ق نيوز ئاگادارى بوێ، له به‌رژه‌وه‌ندى عراقه پابه‌ند بدێ وه ريككه‌فتن ئۆپيك + له‌وه‌ر داوه‌زانن به‌رهه‌م.
باس له‌وه‌يش كرد وه‌زاره‌ته‌گه‌ى داوايش له ده‌سڵاته‌يل هه‌رێم كوردستان كردگه رووژانه 370 به‌رميل له مانگ حزه‌يرانه‌و ئه‌را ده‌سميه‌ت عراق هه‌نارده بكه‌ن له پابه‌ندييگ وه به‌ش ئۆپيك+.
