عراق ئاشكراى ئه‌نجامداين پرووسه‌يگ سه‌ربازى دژ وه‌ داعش كرد وه‌پاڵپشتى هاوپه‌يمان ناوده‌وه‌ڵه‌تى

عراق ئاشكراى ئه‌نجامداين پرووسه‌يگ سه‌ربازى دژ وه‌ داعش كرد وه‌پاڵپشتى هاوپه‌يمان ناوده‌وه‌ڵه‌تى
2019-06-23T16:35:19+00:00

شانه‌ى ره‌سانن جه‌نگى ئاشكراى پرووسه‌يگ سه‌ربازى كرد ك تاريفى وه‌ نموونه‌يى كرد وله‌لايه‌ن هيزيگ تايبه‌ت عراقى ئه‌نجام درياگه‌ وه‌ پاڵپشتى هاوپه‌يمان ناوده‌وڵه‌تى ئه‌را گه‌ردين له‌شوون پاشماوه‌يل ريخرياگ تيرۆريستى داعش.

 

شانه‌ى ره‌سانن له‌ به‌ياننامه‌يگ وت: ئه‌و پرووسه‌ له‌لايه‌ن ده‌زگاى دژه‌ تيرۆر له‌ سه‌ركردايه‌تى فه‌رمانده‌يى تايبه‌ت ئه‌نجام درياگه‌ وه‌ پاڵپشتى ته‌ياره‌يل سوپاى عراقى و ته‌ياره‌يل هاوپه‌يمان ناوده‌وڵه‌تى ك ئه‌را ماوه‌ى دوو رووژ دريژه‌ داشتگه‌ له‌ ناوچه‌ى حه‌زه‌ر تا ره‌سيده‌ ناوچه‌ى سينيه‌ له‌ باشوور خوه‌رئاواى شار موسڵ.

 

به‌ياننامه‌گه‌ هه‌ميش وت: له‌و پرووسه‌ ئنزال جوراوجوور كرياگه‌و دوياخريش ده‌سكرياسه‌ گه‌ردين و وشكانن له‌شوون تيرۆريسته‌يل داعش و له‌ ئه‌نجاميش 10 تونيل وێران كرياگه‌ وه‌ل كوشتن شماره‌يگ له‌ تيرۆريسته‌يل له‌ناو ئه‌و تونێله‌يله‌و ده‌سوه‌سه‌رگرتتن بريگ چه‌ك و ته‌قه‌مه‌نى ك له‌تى له‌ناوچه‌ى حه‌زه‌ر تا ناوچه‌ى سينيه‌و ده‌ورگردى هه‌يشت په‌لامار ئاسمانى له‌لايه‌ن ته‌ياره‌يل هاوپه‌يمان ئه‌را بان بنگه‌ى داعش ئه‌نجام درياگه‌.

Shafaq Live
Shafaq Live