عبادی وه میدفیدێف: سه‌ره‌ڕاى ئه‌وه‌گ ئاموژگاری كریامه واز له سه‌ردان ڕوسیا بارم، وه‌لى وه‌ره‌و موسكو هاتمه
زیاتر وتگه : ئیمه په‌یوه‌ندی دوسانه وه‌ل عراق دیریم و سه‌ره‌ڕاێ ڕویداگه‌یل درامی و ڕه‌نج و مه‌ینه‌تیه‌یل ملله‌ت عراق ، په‌یوه‌ندی دو لایه‌نه ڕوێ له گه‌شه كردن كردگه.
عبادییش لاى خوه‌یه‌وه وتگه: سه‌ره‌ڕاێ ئه‌وه‌گ چه‌ن هێزێگ ئاموژگاریم كردنه سه‌ردانه‌گه ئه‌نجام نه‌ێه‌م ، وه‌لێ سه‌ردان موسكو كردگه.
باس ئه‌وه‌یش كردگه ك به‌غدا ته‌قالا ئه‌كا په‌یوه‌ندیه‌گانێ وه‌ل موسكو له سه‌رجه‌م بواره‌یل بته‌وه‌و بكا ، له‌وانه‌یش هاوكاری سه‌ربازی و ئابووری و په‌یوه‌ندی له بوار نه‌فت و غاز.
سه‌روك وه‌زیره‌یل عراق له هاوتا ڕوسیه‌گه‌ێ و ملله‌ت ئه‌و وڵاته، وه‌بونه‌ێ یاد هه‌فتا ساڵه‌ى سه‌ركه‌فتن هێزه‌یل فاشی و نازی له جه‌نگ جه‌هانی دوێم پیروزبایی كردگه.
بریاره سه‌روك ڕوسیه فلادیمیر (پوتین)یش پێشوازی له سه‌روك وه‌زیره‌یل عراق بكا و دويایین گوڕانكاریه‌یل ناوچه‌ێ خوه‌ر هه‌ڵات ناوڕاس وه‌تایبه‌ت جه‌نگ دژه ترور و هاوكاری دو لاێه‌نه‌وه‌لیا باس بكا.
نويسینگه‌ێ ميديايی سه‌روكایه‌تی ڕوسیه وه‌ده‌ركردن به‌یاننامه‌ێگ ڕاگه‌یاندگه : له دیداره چه‌وه‌ڕێ كریاگه‌گه‌ێ عبادی وه‌ل پوتین، ڕێ و شوون زیاێ كردن په‌یوه‌ندی دو لاێه‌نه له گشت بواره‌یل ، له‌وانه‌یش كه‌رت وزه و سه‌رمایه‌گوزاری و هه‌میش گرنگترین پێشهاته‌یل ناوده‌وڵه‌تی و بارودوخ خوه‌ر هه‌ڵات ناوڕاس و باكور ئه‌فریقیه باس ئه‌كریه‌ێ.
قسه‌كه‌ر وه‌ناو كوشك كرملین دیمتری بیسكوف وه‌دوێرێ نه‌زانستگه ك له دیداره‌گه‌ێ پوتین وه‌ل عبادی ، مه‌سه‌له‌ێ هاوكاری سه‌ربازی ناونی هه‌ردو وڵات باس بكرێه‌ێ .
