عالیە نسەیف لە رخنەیل بان دروسکردن "مردیشووری" تیەێدە دەنگ
شەفەق نیوز/ عالیە نسەیف پەرلەمانتار لە هاوپەیمان دەوڵەت یاسا، ئمڕوو دووشەممە، لە رخنەگرەیلی لەبان دروسکردن مردیشووری لە یەکیگ لە ناوچەیل بەغداد هاتە دەنگ، و وت یە لە پڕۆژەیل خزمەتگوزاریە.
نسەیف لە بەیاننامەیگ رەسیە ئاژانس شەفەق نیوز وت: لە گشت خزمەتگوزارییگ کار کەیمن لەژیر شۆڕش خزمەتگوزاری لە چوارچیوەی بازنەی فیدراڵی یانزەمینمان، (مەکتەو، خەسەخانە، پڕۆژەیل خزمەتگوزاری، هۆڵەیل بوونەیل پەتی، خولەیل سڕین بیسەوادی، خولەیل پیشەیی پەتی).
وتیش: مردیشووریەگە، ناوچەگە گشتی شوین مردی شووردن لەناوی نییە ک خیزانەیل کەلەمەدی ئەرا شوینەیل دویریگ چن، و هانای ریەیل بەسیەن نیەتوەنن بڕەسن، خەڵک ناوچەگە لەلیمان داوا کردن، وئیمەیش مردیشووری پەتی ئەرا ناوچەگ دروس کردیمن.
هەمیش وت: خزمەتکردن ئیوە شەرەفە ئەرامان، و تەقەلا دەیمن داوایلدان جیوەجی بکەیمن.
مەردمیگ لەبان ئەو کارە لەلایەن عالیە نسەیف دەسخوەشی کردن، و بڕیگیش رەخنەی ئەو کارە کردن، ک وتن: بایەتە خزمەت زنیەیل بکەێد وەرجە مردگەیل.
