شەفەق نیوز وردەکاری لە بڕین مووچەی فەرمانبەرەیل وسودمەنەیل رەفحا بڵاو کەێد

شەفەق نیوز/ ئاژانس شەفەق نیوز، روژ شەممە، رەشنووسیگ سەرەتایی لە پڕۆژەی یاسای کەمەوکردن مووچه‌ی فەرمانبەرەیل پلە تایبەت لە دامەزراوە حکومەتیەگان کەفتە دەسی.
سەرچەوەیلیگ پەڕلەمانی چەودێر باس ئەرا ئاژانس شەفەق نیوز کردن؛ ک رەشنووسەگە خەریکە ئیسە گفتوگو لەبانی کریەێد لە لایەن دەسەی بوودجە لە وەزارەت دارایی ودەسەی چارەسەری قەیرانە داراییەگە لە ئەنجومەن وەزیریل، و دەسەی دارایی پەڕلەمانی.
رەشنووس پڕۆژە یاساگە باس لەوە کەێد ک بڕینەگان تەنیا لە مووچەی پلە تایبەتیەگان بوود ودامەزراوە فەرمیەگان خاوەن مووچەیل بەرز.
ئامادەکردن ئی رەشنووسە لەبان فەرمان موستەفا کازمی سەرۆک وەزیرەیل تیەێد، ک بڕیار دا وە کەمەوکردن مووچەی سەرۆکایەتیەگان و فەرمانبەرەیل پلە تایبەتەگان، جوور ڕێکارەیل حکومەت ئەرا چارەسەر قەیرانە داراییەگە ک له‌وەر داوەزیان نرخ نەفت و پەتای کۆرۆنا هات. وەگورەی رەشنووسەگە ک کەفتە دەس ئاژانس شەفەق نیوز کەمەو کردنەگە وەی جوورە بوود:
١/ هاوکار وەڕیەوبەر گشتی.. وەگورەی دامەزراوەگەی پەسەن کریەێد.
٢/ - ئ/ وەڕیەوبەر گشتی لەو دامەزراوەیلە ک گریەبەس نیین وە سێ سەرۆکایەتیەگە، مووچەیگەی ک (٧٥٠) هەفسەدوپەنجا هەزارە کەمەو کریەێد وەرێژەی ٨٠%.
ب/ وەڕیەوبەر گشتی لە سێ سەرۆکاتیەگە، موچەگەی ک ١،٥٠٠ یەک مەلیۆن و پەنسەد هەزارە، کەمەو کریەێد وە رێژەی ٨٠%.
٣/ - ئ/ وەکیل وەزارەت لە دامەزراوەگان ک گریەبەس نیین وە سێ سەرۆکایەتیەگە.. مووچەگەیان ک ١،٥٠٠ یەک مەلیۆن و پەنسەد هەزارە، کەمەو کریەێد وە رێژەی ٨٠%.
ب/ پلەی وەکیل وەزیر لە سێ سەرۆکایەتیەگە.. ٢،٥٠٠ دوو مەلیۆن و پەنسەد هەزارە، کەمەو کریەێد وەرێژەی ٨٠%.
٤/ - ئ/ پلەی وەزیر لە دامەزراوەگان ک گریەبەس نیین وەوەزارەت.. مووچەگەی ک ٥،٦٠٠ پەنج مەلیۆن وشەسەد هەزارە کەمەو کریەێد وەرێژەی ٨٠%.
ولەباوەت مووچە بەرزەگان...
٥/ - ئ/ مووچەی ئەندامە وەڕیەوبەرایەتیەگان لە وەزارەت نەفت (چەسپیاگان) کەومەو کریەێد وەرێژەی ٤٠%.
ب/ مووچەی ئەندامە پیشەیەگان لە وەزارەت نەفت (جەسپیاگان) کەومەو کریەێد وەرێژەی ٣٥%.
٦/ مووچەی ئەندامەیل وەزارەت خوێندن باڵا وتوێژینەوەی زانستی ( ماموستایل زانکۆ) ک ٢٠٠ لە سەدە، کەمەو کریەێد ئەرا ١٠٠ لەسەد.
٧/ - ئ/ مووچەی ئەندامە وەرەبەڕایەتیەگان لە وەزارەت کەهرەبا (جەسپیاگان) کەومەو کریەێد وەرێژەی ٣٠%.
ب/ مووچەی ئەندامە پیشەیەگان لە وەزارەت کەهرەبا (جەسپیاگان) کەومەو کریەێد وەرێژەی ٢٥%.
٨/ مووچەی ئەندامەیل دەسەی پرسیار ویەکسانی کەومەو کریەێد وەرێژەی ٣٥%.
٩/ مووجەی ئەندامەیل سێ سەرۆکایەتیەگە:
ئ/ فەرمانبەرەل ئەنجومەن نوێنەران .. کەمەو کریەێد وەرێژەی ٣٠%.
ب/ فەرمانبەرەل ئەمانەت گشتی ئەنجومەن وەزیران .. کەمەو کریەێد وەرێژەی ٣٥%.
ت/ فەرمانبەرەیل سەرۆکایەتی وەزیران ... کەمەو کریەێد وەرێژەی ٣٥%.
پ/ فەرمانبەرەیل سەرۆکایەتی کۆمار.. کەمەو کریەێد وەرێژەی ٣٥%.
١٠/ مووچەی ئەنجومەن دادوەری باڵا ودادگای فیدڕاڵی (دادوەرەگان) .. کەمەو کریەێد وەرێژەی ٣٥%.
١١/ مووچەی ئەندامەیل دەسەی پرسیار و یەکسانی.. کەمەو کریەێد وەرێژەی ٣٥%.
١٢/ سودمەندەیل لە یاسای رەفحا جوور شەهیدەو زیندانە سیاسیەگان پەسەن کریەێن.. ک خیزانیگ سودمەن یەک مووچە وەرگرێد، لەجیای ئەوە گشت ئەندامەیل خیزانەگە وەری بگرن.. لە مەوقەی مردن سودمەندەگە یاسای شەهیدان وەکارتیەێد لە لایەن سودمەن خاوەنەگەی ( خاسەوکردن یاساگە خوازێد لە لایەن دەسڵات یاسایی دویای داواکاری لە لایەن ئەنجومەن وەزیران). ١٣/ مووچەی پێکهاتە پویچەڵ کریایەگان کەمەو کریەێد ورێژەی ٣٠%.