کەشوهەوای چوار رووژ ئایندە لە عراق.. دەرفەتیگ ئەرا واران
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو جمعە، رووشنە وەگەرد لەکە ئەوریگ لە ناوچەی ناوڕاس، و لە ناوچەی باکوور نیمچە ئەورە تا ئەور تەواوە وەگەرد دەرفەت نمە وارانیگ لە بەشەیل کوێە، و لە باشوور پاک و رووشنە، و پلەی گەرمی لە گشت وڵاتەگە کەمیگ بەرزەو بوود.
بەیاننامەگە وتیش: رووژ شەممە، رووشنە وەگەرد لەکە ئەوریگ و هەڵسیان تەپوتووز لە چەن ناوچەیگ لە بەش ناوڕاس، و پلەی گەرمی کەمیگ داوەزێد، و لە بەش خوەرئاوا چەن پلەیگ داوەزێد، و لە ناوچەی باکوور نیمچە ئەورە و جاروباریش ئەور تەواوە، و پلەی گەرمی کەمیگ داوەزێد، و لە ناوچەی باشوور لەکە ئەورە، و پلەی گەرمی چەن پلەیگ بەرزەو بوود.
دیاری کرد ک رووژ یەکشەممە، لە ناوچەیل ناوڕاس و باشوور لەکە ئەوریگە، و لە ناوچەی باکوور نیمچە ئەورە، و پلەی گەرمی لە بەشەیل ناوڕاس کەمیگ بەرزەو بوود، و لە ناوچەی باکوور جویر رووژیگ وەرجە خوەیە، و لە باشوور کەمیگ داوەزێد.
بەیاننامەگە وتیش: کەشوهەوای رووژ دووشەممەی ئایندە لە ناوچەی ناوڕاس رووشنە، و لە بەشەیل خوەرهەڵاتی نیمچە ئەورە وەگەرد دەرفەت واران، و لە ناوچەی باکوور نیمچە ئەورە تا ئەور تەواو وەگەرد دەرفەت واران، و لە ناوچەی باشوور نیمچە ئەورە جاروباریش ئەور تەواوە، و پلەی گەرمی لە بەشەیل ناوڕاس و باشوور چەن پلەیگ بەرزەو بوود، و لە بەشەیل باکوور جویر رووژیگ وەرجە خوەیە.
